ஈரான் உடனான இராஜதந்திரப் பேச்சுவார்த்தைகளில் “பெரிய முன்னேற்றம்” ஏற்பட்டுள்ளதாக டொனால்ட் ட்ரம்ப் பாராட்டியதைத் தொடர்ந்து, அமெரிக்கா – ஈரான் இடையே தீர்வு எட்டப்படும் என்ற புதுப்பிக்கப்பட்ட நம்பிக்கையால் இன்று எண்ணெய் விலைகள் சரிந்து வருகின்றன, அதேநேரம் பங்குச் சந்தைகள் எழுச்சி கண்டுள்ளன.
-
எண்ணெய் விலை நிலவரம்: உலகளாவிய எண்ணெய் விலையின் அளவுகோலான பிரெண்ட் (Brent) மசகு எண்ணெய் 8% சரிந்து ஒரு பீப்பாய் 101டொலராக வீழ்ச்சியடைந்தது. அமெரிக்க அளவுகோலான WTI எண்ணெய் 9.2% சரிந்து ஒரு பீப்பாய் 92.8 டாலராக வீழ்ந்தது.
-
பங்குச் சந்தை நிலவரம்: இதற்கிடையில், அமெரிக்காவின் S&P 500, Dow மற்றும் Nasdaq எதிர்கால சந்தைகள் (Futures) ஒரு வலுவான ஆரம்பத்தைக் காட்டுகின்றன. ஐரோப்பாவில், லண்டனின் FTSE 100, ஜேர்மனியின் DAX மற்றும் பாரிஸின் CAC 40 ஆகியவை 2% க்கும் அதிகமாக உயர்ந்துள்ளன.
-
ஆசிய சந்தை மற்றும் சம்சுங் (Samsung) சாதனை: ஆசியாவின் முக்கிய பங்குச் சந்தைகளும் உயர்வுடன் நிறைவடைந்தன. குறிப்பாக தென் கொரியாவின் கோஸ்பி (Kospi) 6.45% உயர்ந்தது. சம்சுங் நிறுவனத்தின் பங்குகள் 14.4% வளர்ச்சியடைந்ததைத் தொடர்ந்து, அந்த ஸ்மார்ட்போன் தயாரிப்பு நிறுவனத்தின் சந்தை மதிப்பு வரலாற்றில் முதல்முறையாக 1 டிரில்லியன் டாலரைத் தாண்டியது.
பின்னணி: தடைப்பட்ட ஹார்முஸ் நீரிணை வழியாகக் கப்பல்களை வழிநடத்தும் தனது திட்டத்தை ட்ரம்ப் இடைநிறுத்தியதைத் தொடர்ந்தே, இராஜதந்திரத்தின் மீது மீண்டும் கவனம் திரும்பியுள்ளது. முன்னதாக ட்ரம்ப்பின் அந்தத் திட்டத்திற்குப் பதிலடியாக, வளைகுடா எரிசக்தி உள்கட்டமைப்புகள் மீது ஈரான் தாக்குதல்களை நடத்தியிருந்தது.
“இருப்பினும், ஒரு நிரந்தர அமைதி ஒப்பந்தத்திற்கான வாய்ப்பு இன்னும் நிச்சயமற்றதாகவே உள்ளது. எனவே எண்ணெய் விலை தொடர்ந்து பெரும் ஏற்ற இறக்கத்துடனேயே (Volatile) இருக்கும்,” என்று ING வங்கியின் ஆய்வாளர்கள் தெரிவித்துள்ளனர்.
