ஜனாதிபதி செயலகத்திற்கு வெளியே பொலிஸார் பௌத்தமதகுருமாருக்கு எதிராக எடுத்த நடவடிக்கைகளை கண்டித்துள்ள எதிர்கட்சி தலைவர் சஜித் பிரேமதாச ஜனாதிபதி அனுரகுமார திசநாயக்க உடனடியாக தலையிடவேண்டும் என வேண்டுகோள் விடுத்துள்ளார்.
அறிக்கையொன்றில் இதனை தெரிவித்துள்ள எதிர்கட்சி தலைவர் பௌத்தமதகுருமார் கண்டியிலிருந்து பாதயாத்திரையாக வந்து அமைதியான ஆர்ப்பாட்டங்களில் ஈடுபட்டதாக தெரிவித்துள்ளார்.
அவர் மேலும் குறிப்பிட்டுள்ளதாவது
பாதயாத்திரையின் போது பௌத்தமதகுருமார் கொண்டுவந்த புத்தரின் சிலைக்காக அவர்கள் அமைத்த தற்காலிக கூடாரத்தை பொலிஸார் அகற்றிவிட்டனர்என தகவல் கிடைத்துள்ளது.பலர் கைதுசெய்யப்பட்டதாக தகவல்கள் வெளியாகின்றன.இது ஆர்ப்பாட்டத்தில் ஈடுபடும் பௌத்தமதகுருமாருக்கு எதிரான ஜனநாயக மீறல்.
பௌத்த மதகுருமாரின் ஆடைக்கு மதிப்பளிக்கும் அதேவேளை இந்த விடயத்திற்கு தீர்வை காண்பதற்கு ஜனாதிபதி நேரடியாக பௌத்தமதகுருமாருடன் பேசவேண்டும், அவர்களை துன்புறுத்தும் நடவடிக்கைளை பொலிஸார் கைவிடவேண்டும் என அவர் வேண்டுகோள் விடுத்துள்ளார்.
