முன்னாள் ஜனாதிபதி ரணில் விக்ரமசிங்கவிற்கு எதிராகத் தொடரப்பட்டுள்ள வழக்கு இன்று கொழும்பு கோட்டை நீதவான் நீதிமன்றில் விசாரணைக்கு எடுத்துக்கொள்ளப்பட்ட போதே, இந்த அழைப்பாணை குறித்து சிஐடியினர் நீதிமன்றிற்குத் தெரிவித்தனர்.

வழக்கின் பின்னணி:

• குற்றச்சாட்டு: 2023 ஆம் ஆண்டின் பிற்பகுதியில் லண்டனுக்கு மேற்கொண்ட உத்தியோகபூர்வ விஜயத்தின் போது, பேராசிரியர் மைத்திரி விக்ரமசிங்கவின் பட்டமளிப்பு விழாவில் கலந்துகொள்வதற்காக சுமார் 16.9 மில்லியன் ரூபாய் பொதுப் பணத்தைத் தவறாகப் பயன்படுத்தியதாக முன்னாள் ஜனாதிபதி ரணில் விக்ரமசிங்க மீது குற்றம் சுமத்தப்பட்டுள்ளது.

• நிதி அனுமதி: இந்த விஜயத்திற்காக அரச நிதியை அனுமதித்து, நிதி மோசடிக்கு உடந்தையாக இருந்ததாகக் குற்றம் சுமத்தப்பட்டு விளக்கமறியலில் வைக்கப்பட்டிருந்த முன்னாள் ஜனாதிபதியின் செயலாளர் சமன் ஏக்கநாயக்க, இன்று கொழும்பு நீதவான் நீதிமன்றினால் பிணையில் விடுவிக்கப்பட்டார்.