பிணைமுறி மோசடி: பொதுச் சொத்துக்கள் சட்டத்தின் கீழ் மீண்டும் விசாரணை செய்ய விசேட நீதிமன்றம் அமைப்பு!

த்திய வங்கியின் பிணைமுறி மோசடி (Central Bank Bond Scam) விவகாரத்தில், பொதுச் சொத்துக்கள் சட்டத்தின் கீழ் மீண்டும் வழக்கை விசாரிப்பதற்காகப் புதிய ‘ரயல்-அட்-பார்’ (Trial-at-Bar) எனப்படும் மூவரடங்கிய விசேட மேல் நீதிமன்ற அமர்வு ஒன்று நியமிக்கப்படவுள்ளதாக சட்டமா அதிபர் திணைக்களம் தெரிவித்துள்ளது.

உச்ச நீதிமன்றம் நேற்று (ஜூன் 01) பிறப்பித்த வரலாற்று முக்கியத்துவம் வாய்ந்த உத்தரவுக்கு இணங்க இந்த நடவடிக்கை எடுக்கப்பட்டுள்ளது.

வழக்கை முடக்கிய ஆரம்பகால ஆட்சேபனை:

இந்த பிணைமுறி மோசடி வழக்கு முன்னதாக விசேட மேல் நீதிமன்றத்தில் விசாரிக்கப்பட்டு வந்த நிலையில், கடந்த 2021 ஆம் ஆண்டு பிரதிவாதிகள் தரப்பால் முன்வைக்கப்பட்ட ஆரம்பகட்ட ஆட்சேபனையை (Preliminary objections) அடுத்து வழக்கின் நடவடிக்கைகள் இடைநிறுத்தப்பட்டன.

பிரதிவாதிகள் தரப்பு வாதம்:

“இந்த கொடுக்கல் வாங்கல்களில் சம்பந்தப்பட்ட ‘பெர்பெச்சுவல் ட்ரெஷரீஸ்’ (Perpetual Treasuries) என்பது ஒரு தனியார் நிறுவனமாகும். எனவே, பொதுச் சொத்துக்கள் சட்டத்தின் (Public Property Act) கீழ் ஒரு நிறுவனத்திற்கு எதிராக சட்ட நடவடிக்கை எடுக்க முடியாது.” என்ற வாதத்தை முன்வைத்து அவர்கள் வழக்கை முடக்கினர்.

உச்ச நீதிமன்றத்தின் அதிரடித் தீர்ப்பு:

பிரதிவாதிகளின் இந்த ஆட்சேபனைக்கு எதிராகச் சட்டமா அதிபர் திணைக்களத்தினால் உச்ச நீதிமன்றத்தில் மேல்முறையீடு செய்யப்பட்டது.

இந்த மனுவை ஆராய்ந்த ஐந்து நீதிபதிகள் கொண்ட உச்ச நீதிமன்ற அமர்வு, நேற்று (ஜூன் 01) தனது இறுதித் தீர்ப்பை வழங்கியது. அதன்படி, “பொதுச் சொத்துக்கள் சட்டத்தின் கீழ் ஒரு நிறுவனத்திற்கு எதிராகவும் வழக்குத் தொடரவும், விசாரணை நடத்தவும் சட்டத்தில் இடமுண்டு” என உச்ச நீதிமன்றம் அதிரடித் தீர்ப்பளித்தது.

புதிய விசேட நீதிமன்றங்கள்:

இந்தத் தீர்ப்பைத் தொடர்ந்து, நாட்டில் மூன்று புதிய விசேட மேல் நீதிமன்ற அமர்வுகளை (Trial-at-Bar panels) நியமிக்க எதிர்பார்ப்பதாகச் சட்டமா அதிபர் திணைக்களம் குறிப்பிட்டுள்ளது. இதில் ஒரு நீதிமன்றத்தில், நீண்ட நாட்களாக முடங்கிக் கிடந்த இந்த 2016 பிணைமுறி மோசடி வழக்கு மீண்டும் முதற்கட்டத்திலிருந்து முழுமையாக விசாரணைக்கு எடுத்துக்கொள்ளப்படவுள்ளது