டிட்வா’ (Ditwah) சூறாவளியால் பாதிக்கப்பட்ட பெருமளவிலான மக்கள், தங்களை மறுவடிவமைப்பார்கள் என்ற எதிர்பார்ப்பில் இன்னும் தற்காலிக முகாம்களிலும் இடைத்தங்கல் நிலையங்களிலும் அவதிப்பட்டு வருகின்றனர். ஆனால், இந்த பேரழிவிற்குப் பிறகு நாட்டை மீண்டும் கட்டியெழுப்புவதற்காக உருவாக்கப்பட்ட ‘ஸ்ரீலங்காவை மீண்டும் கட்டியெழுப்பும் நிதியம்’ (Rebuilding Sri Lanka Fund) இதுவரை ஒரு ரூபாய் கூட பயன்படுத்தப்படாமல் முடங்கிக் கிடப்பது வெளிச்சத்திற்கு வந்துள்ளது.
நிதியம் இன்னும் சட்டப்பூர்வமாக உருவாக்கப்படவில்லை!
நாடாளுமன்ற பொது நிதிக்குழுவின் (CoPF) கூட்டத்தின் போது, சட்டமா அதிபர் திணைக்களம் இந்த அதிர்ச்சித் தகவலைக் குழுவிடம் தெரிவித்தது. இந்த நிதியத்திற்குப் பல்வேறு கொடையாளர்கள் மற்றும் அமைப்புகளால் வழங்கப்பட்ட எந்தவொரு பணமும் இதுவரை பயன்படுத்தப்படவில்லை என்றும், அந்தப் பணம் அனைத்தும் திறைசேரியின் பிரதிச் செயலாளரின் (DST) விசேட கணக்கொன்றில் அப்படியே உள்ளதாகவும் தெரிவிக்கப்பட்டது.
இதனைத் தணிக்கை (Audit) செய்ய முடியுமா என்று பொது நிதிக்குழுவின் தலைவர் கலாநிதி ஹர்ஷ டி சில்வா கேள்வி எழுப்பியபோது, ‘ஸ்ரீலங்காவை மீண்டும் கட்டியெழுப்பும் நிதியம்’ என்பது இன்னும் அதிகாரப்பூர்வமாக நிறுவப்படவே இல்லை என்று சட்டமா அதிபர் திணைக்கள அதிகாரி ஒருவர் விளக்கமளித்தார்.
“புதிய பொது நிதி மேலாண்மைச் சட்டத்தின்படி, சட்டப்பூர்வமற்ற (Non-statutory) நிதியங்களை உருவாக்க முடியாது. சட்டப்பூர்வ நிதியங்களை (Statutory funds) மட்டுமே உருவாக்க முடியும். இந்த நிதியத்தை ஒரு சட்டப்பூர்வ நிதியமாக நிறுவுவதற்கு அமைச்சரவை ஒப்புதல் வழங்கிய போதிலும், அது இதுவரை நடைமுறைப்படுத்தப்படவில்லை. எனவே, நன்கொடையாக வந்த பணம் அனைத்தும் தற்போது திறைசேரியின் விசேட கணக்கில் வைக்கப்பட்டுள்ளது,” என்று அந்த அதிகாரி குறிப்பிட்டார்.
இருப்பினும், இந்தக் கணக்கு நிதி அமைச்சின் கீழ் வருவதால் இதனைத் தணிக்கை செய்ய முடியும் என்று சட்டமா அதிபர் திணைக்களம் உறுதிப்படுத்தியது. இது குறித்துப் பேசிய ஹர்ஷ டி சில்வா, “முன்பு ஏற்பட்ட ‘ஹெல்பிங் ஹம்பாந்தோட்டை’ (Helping Hambantota) நிதிய சர்ச்சை வராமல் தடுப்பதற்காகவே இத்தகைய திருத்தங்கள் கொண்டு வரப்பட்டன. எனவே, இந்த நிதியங்கள் தணிக்கை செய்யப்பட்டு, திறம்பட பயன்படுத்தப்படுகிறதா என்பது கண்டறியப்பட வேண்டும்,” என்றார்.
நிதியத்தின் தற்போதைய நிலை:
நிதித்துறை பிரதி அமைச்சர் அனில் ஜெயந்த பெர்னாண்டோவின் கூற்றுப்படி, 2026 ஏப்ரல் 24 ஆம் தேதி வரை இந்த நிதியத்திற்கு 9,583 மில்லியன் ரூபாய் (958.3 கோடி) கிடைத்துள்ளது.
‘டிட்வா’ சூறாபயன்பாடின்றி முடங்கிக் கிடக்கும் ‘மறுசீரமைப்பு நிதியம்’: முகாம்களில் தவிக்கும்மக்கள்,வளியால் ஏற்பட்ட கடுமையான அழிவுகளுக்குப் பிறகு நாட்டை மறுசீரமைப்பதற்காக இந்த நிதியத்தை ஜனாதிபதி செயலகத்தின் கீழ் ஒரு சட்டப்பூர்வ நிதியமாக நிறுவ அமைச்சரவை ஒப்புதல் அளித்திருந்தது. இதனை நிர்வகிக்கப் பிரதி நிதி அமைச்சர் அனில் ஜெயந்த தலைமையில், பொது மற்றும் தனியார் துறை பிரதிநிதிகள் அடங்கிய மேலாண்மைக் குழுவொன்றும் அரசாங்கத்தால் நியமிக்கப்பட்டது.
உள்நாட்டு மற்றும் வெளிநாட்டு நன்கொடையாளர்கள் இலங்கை ரூபாயிலோ அல்லது வெளிநாட்டு நாணயங்களிலோ (அமெரிக்க டாலர், யூரோ, பவுண்ட், ஜப்பானிய யென், ஆஸ்திரேலிய டாலர்) பங்களிப்பு செய்வதற்காக இலங்கை வங்கி (BOC) மற்றும் இலங்கை மத்திய வங்கியில் (CBSL) விசேட கணக்குகள் திறக்கப்பட்டிருந்தமை குறிப்பிடத்தக்கது
DAILY MIRROR
