இலங்கை தற்போது முன்னெடுத்துள்ள சர்வதேச நாணயநிதியத்தின் ஆதரவுடனான திட்டம் 2027 இல் முடிவடைந்த பின்னரும்; இலங்கைக்கு தொடர்ந்தும் ஆதரவளிக்க தயாராகயிருப்பதாக சர்வதேச நாணயநிதியம் தெரிவித்துள்ளது.
சர்வதேச நாணயநிதியத்தின் ஆதரவுடன் இலங்கை முன்னெடுத்துள்ள பொருளாதார சீர்திருத்த நடவடிக்கைகளின் முன்னேற்றம் குறித்து கருத்து தெரிவித்துள்ள சர்வதேச நாணயநிதியத்தின் ஆசிய மற்றும் பசுபிக் பிராந்தியத்திற்கான பிரதி பணிப்பாளர் சொனாலி ஜெயின் சந்திர மேலும் தெரிவித்துள்ளதாவது
எதிர்காலத்தில் இலங்கை எந்த வித உதவிகள் பொருத்தமானது என கருதுகின்றதோ அதற்கு உதவுவதற்குடி சர்வதேச நாணயநிதியம் தயாராக உள்ளது.
இலங்கையுடனான எதிர்கால ஈடுபாடுகள் எவ்வாறு அமையவேண்டும் என்பதை இலங்கை அதிகாரிகளே தீர்மானிக்கவேண்டும்,புதிய நிதி ஏற்பாடு முதல் கொள்கை ஆலோசனைகள், கண்காணிப்பு ஆதரவு உட்பட பல தெரிவுகள் உள்ளன.
எதிர்கால கூட்டாண்மை குறித்த பேச்சுவார்த்தைகள் உரிய நேரத்தில் இடம்பெறும், இலங்கைக்கு எந்த வடிவிலான ஆதரவை சர்வதேச நாணயநிதியம் வழங்கினாலும் எதிர்காலத்தில் அது இலங்கைகக்கான அர்ப்பணிப்புள்ள பங்காளியாக தொடர்ந்தும் விளங்கும் என குறிப்பிட்டுள்ளார்.
தற்போது சர்வதேச நாணயநிதியத்தின் ஆதரவுடன் முன்னெடுக்கப்படும் பொருளாதார சீர்திருத்த நடவடிக்கைகளில் இன்னமும் பல நடவடிக்கைகளை தொடர்ந்து முன்னெடுக்கவேண்டியுள்ளது,இலங்கை தற்போதைய பொருளாதார சீhதிருத்தங்களை முன்னெடுப்பது குறித்தும் நுண்பொருளாதார ஸ்திரதன்மை குறித்து கவனம் செலுத்துவது அவசியம் .
பொருளாதார சீர்திருத்த காலத்தில் அரச வருமானம் இரண்டுமடங்காகியுள்ளதால் நிதி செயற்பாடுகள் சிறப்பாக அமைந்துள்ளன, கடன் மறுசீரமைப்பு நடவடிக்கைகள் தற்போது பெருமளவிற்கு பூர்த்தியாகியுள்ளன என அவர் தெரிவித்துள்ளார்.
