வெள்ளை மாளிகைக்கு (White House) வெளியே சனிக்கிழமை துப்பாக்கிப் பிரயோகம் மேற்கொண்டு, பாதுகாப்புப் பிரிவினரின் பதில் துப்பாக்கிச் சூட்டில் உயிரிழந்த சந்தேகநபர், 21 வயதுடைய நசீர் பெஸ்ட் (Nasire Best) என இவ் விசாரணைகளுடன் நெருங்கிய தொடர்புடைய அதிகாரி ஒருவர் உறுதிப்படுத்தியுள்ளார்.
சந்தேகநபரான பெஸ்ட், கடந்த சுமார் 18 மாதங்களாக வொஷிங்டன் டி.சி (Washington, D.C.) பகுதியில் வசித்து வந்தவர் என அக் குறிப்பிட்ட அதிகாரி தெரிவித்துள்ளார்.
உயிரிழந்த சந்தேகநபருக்கு அமெரிக்க ரகசிய சேவைப் பிரிவினருடன் (U.S. Secret Service) ஏற்கனவே முரண்பாடுகள் ஏற்பட்டுள்ளமை தற்போதைய முதற்கட்ட விசாரணைகளில் தெரியவந்துள்ளது. கடந்த 2025 ஆம் ஆண்டு ஜூலை மாதத்தில், இவர் வெள்ளை மாளிகை வளாகத்திற்குள் சட்டவிரோதமாக அத்துமீறி நுழைவதற்கு (Gain entry) முயற்சித்துள்ளார்.
இதன்போது, வெள்ளை மாளிகைக்கு அருகிலேயே வைத்து ரகசிய சேவைப் பிரிவு அதிகாரிகளால் அவர் உடனடியாகக் கைது செய்யப்பட்டதாகப் பாதுகாப்புத் தரப்பு விபரங்கள் தெரிவிக்கின்றன.
அக் காலகட்டத்தில் அவருக்கு ஏற்பட்டிருந்த கடுமையான மனநலப் பாதிப்புகள் (Mental health issues) காரணமாக, அவர் நீதிமன்ற உத்தரவின் பேரில் விசேட மனநல மருத்துவப் பிரிவு (Psychiatric ward) ஒன்றிற்கு அனுப்பி வைக்கப்பட்டிருந்ததாகவும் அப் பாதுகாப்பு அதிகாரி மேலும் தெரிவித்துள்ளார்.
