உலக வங்கியின் நிதி அனுசரணையுடன் வடக்கு மாகாணத்தில் நடைமுறைப்படுத்துவதற்கு முன்மொழியப்பட்டுள்ள ‘‘Sri Lanka Regional Empowerment through Vibrant, Inclusive and Viable Economies Project – REVIVE ‘’ திட்ட நடைமுறைப்படுத்தல் தொடர்பான கலந்துரையாடலானது வடமாகாண பிரதம செயலாளர் திருமதி தனுஜா முருகேசன் அவர்கள் தலைமையிலான குழுவினருக்கும் உலக வங்கியின் பிரதிநிதிகளிற்கும் இடையில் பிரதம செயலாளர் செயலக கேட்போர் கூடத்தில் 25.06.2026 ஆம் திகதி வியாழக்கிழமை இடம்பெற்றது.
இதன்போது வட மாகாணத்தில் அபிவிருத்தி செய்வதற்குத் திட்டமிடப்பட்டுள்ள யாழ்ப்பாணக் கோட்டை அபிவிருத்திக் குழுமம் (Jaffna Fort Development Cluster) மற்றும் குருநகர் மீன்பிடித் தொழில் அபிவிருத்திக் குழுமம் (Gurunagar Fisheries Development Cluster) ஆகிய இரு பிரதான அபிவிருத்திக் குழுமங்களுக்கான கருத்துரு திட்டங்கள் (Northern Provincial Conceptual Plan) அவற்றில் ஏற்படுத்தக்கூடிய முன்னேற்றங்கள், மாற்றங்கள் தொடர்பாக விரிவாக கலந்துரையாடப்பட்டது.
குறித்த கலந்துரையாடலில் போக்குவரத்து, நெடுஞ்சாலைகள் மற்றும் நகர அபிவிருத்தி அமைச்சின் கீழ் உருவாக்கப்பட்டுள்ள திட்ட முகாமைத்துவ அலகின் (Project Management Unit) அதிகாரிகள், பிரதிப் பிரதம செயலாளர்கள், பிரதேச செயலாளர் – யாழ்ப்பாணம், உள்ளுராட்சி ஆணையாளர், யாழ்.மாநகரசபை ஆணையாளர், நகர அபிவிருத்தி அதிகாரசபையின் பணிப்பாளர், தொல்லியல் திணைக்களத்தின் உதவிப் பணிப்பாளர், மீன்வளம் மற்றும் நீர்வாழ் வளங்கள் திணைக்களத்தின் உதவிப் பணிப்பாளர் உள்ளிட்ட குறித்த திட்டத்துடன் தொடர்புடைய அதிகாரிகள் கலந்துகொண்டனர்
