முன்னாள் முதல்பெண்மணி சிராந்திராஜபக்சவிற்கு கொழும்பு தேசிய வைத்தியசாலையில் இதய சத்திரசிகிச்சை இடம்பெறுவதாகஅவரது சட்டத்தரணி தெரிவித்துள்ளதை உடனடியாக ஆராய்ந்து உறுதிப்படுத்துமாறு கொழும்பு பிரதான நீதவான் நீதிமன்றம் உத்தரவிட்டுள்ளது.
சிராந்தி ராஜபக்ச சிறைச்சாலையில் இருந்தவேளை திடீர் மாரடைப்பு ஏற்பட்டதாகவும் பின்னர் கொழும்பு தேசிய வைத்தியசாலை இதய சத்திரசிகிச்சை பிரிவிற்கு மாற்றப்பட்டுள்ளார் என அவரது சட்டத்தரணி நீதிமன்றத்தில் தெரிவித்திருந்தார்.
நீதிமன்ற அமர்வின் போது அவர் இதனை தெரிவித்தார்.
எனினும் அரசதரப்பில் ஆஜரான மேலதிக சொலிசிட்டர் ஜெனரல் திலீப பீரிஸ் சிராந்தி கொழும்பு தேசிய வைத்தியசாலையில் அனுமதிக்கப்பட்டிருந்தாலும் சத்திரசிகிச்சை செய்யப்படுவதாக எந்த தகவலும் இல்லை என தெரிவித்தார்.
முரண்பட்ட சமர்ப்பணங்களை தொடர்ந்து சிராந்தி ராஜபக்சவிற்கு சத்திரசிகிச்சை செய்யப்படுகின்றதா என்பதை விசாரித்து உடனடியாக அறிக்கை சமர்ப்பிக்குமாறு நீதவான் உத்தரவிட்டார்.
