அரசினை பயங்கரவாதத்திலிருந்து பாதுகாக்கும் சட்டமூலம் அடிப்படை மனித உரிமைகளுக்கு ஆபத்தை ஏற்படுத்தும் – சுதந்திர ஊடக இயக்கம் நீதிமன்றில் மனு

அரசாங்கம் நாடாளுமன்றத்தில் சமர்ப்பித்துள்ள அரசினை பயங்கரவாதத்திலிருந்து பாதுகாக்கும் சட்டமூலத்திற்கு எதிராக சுதந்திர ஊடக இயக்கத்தின் இரண்;டு செயற்பாட்டாளர்கள் நீதிமன்றத்தில் மனுதாக்கல் செய்துள்ளனர்.
அரசினை பயங்கரவாதத்திலிருந்து பாதுகாக்கும் சட்டமூலத்தின் அரசியலமைப்பு செல்லுபடியாகும் தன்மையை கேள்விக்குட்படுத்தி இவர்கள் நீதிமன்றத்தில் மனுதாக்கல் செய்துள்ளனர்.
அரசாங்கம் நாடாளுமன்றத்தில் சமர்ப்பித்துள்ள இந்த சட்டமூலம் அடிப்படை உரிமைகளுக்கு அச்சுறுத்தலை விளைவிக்கும் அத்தியாவசியமற்ற மற்றும் பரந்துபட்ட கட்டுப்பாடுகளை கொண்டிருப்பதாகவும் இலங்கையின் ஊடகசுதந்திரத்தினை இது கடுமையாக பாதிக்கும் எனவும் அவர்கள் தெரிவித்துள்ளனர்.
சுதந்திர ஊடக இயக்கத்தின் உறுப்பினர்களான உதய களுபத்திரன,ஹனா இப்ராஹிம் ஆகியோரே இந்த மனுவை தாக்கல் செய்துள்ளனர்.
பயங்கரவாதம் என்பதை வரையறுக்கும் சட்டமூலத்தின் மூன்றாவது பிரிவு குறித்தே முக்கியமாக சுட்டிக்காட்டியுள்ள மனுதாரர்கள் 3(2) பிரிவின் கீழ் உள்கட்டமைப்புகளுக்கு கடுiமையான சேதத்தை இழைத்தல்,குறிப்பிடத்தக்க பொருளாதார இழப்பை ஏற்படுத்துதல்,மின்னனு அமைப்புகளுக்கு சேதத்தை ஏற்படுத்துதல் போன்ற பொதுமக்களின் சாதாரண நடவடிக்கைகள் கூட பயங்கரவாத நடவடிக்கைகளாக கருதப்படலாம் என மனுதாரர்கள் தெரிவித்துள்ளனர்.
அமைதியான போராட்டங்கள் மற்றும் வேலை நிறுத்தங்களுக்கான உரிமைகளை பாதுகாக்கும் ஒரு சரத்து உள்ளதாக தெரிவிக்கப்படுகின்ற போதிலும் மொழியின் தெளிவின்மை காரணமாக இந்த சட்டம் சட்ட அமுலாக்கல் அமைப்புகளால் தன்னிச்சையாக பயன்படுத்தப்படும் ஆபத்துள்ளதாக மனுதாரர்கள் தெரிவித்துள்ளனர்.