சிராந்தி ராஜபக்சவின் அடையாளம் காரணமாகவே அவர் வேறுபட்ட முறையில் நடத்தப்படுவதாக குற்றம்சாட்டிய சிராந்தி ராஜபக்சவின் சட்டத்தரணி அனில்சில்வா பொலிஸாரின் நடத்தை குறித்து கேள்வி எழுப்பியுள்ளார்.
மாளிகாகந்த நீதவான் நீதிமன்றத்தில் சிராந்தி ராஜபக்சவின் முன்பிணை மனுமீதான விசாரணையின் போது அவர் மேலும் தெரிவித்ததாவது
துரதிஸ்டவசமாக இங்குள்ள ஒரே பிரச்சினை என்னவென்றால் இவர் சிராந்தி ராஜபக்ச என்பதுதான்,இவர் திருமதி அனுரகுமார திசநாயக்கவாகயிருந்தால் பொலிஸார் இந்த முட்டாள்தனமான காரியத்தை செய்திருப்பார்களா? செய்திருக்க மாட்டார்கள்.
இச்சம்பவம் தொடர்பான பல்வேறு வழக்குகள் பல்வேறு நீதிமன்றங்களில் தாக்கல் செய்யப்பட்டுள்ளன,இந்த நீதிமன்றத்தில் ஒரு வழக்கு கொழும்பு நீதிமன்றத்தில் ஒரு வழக்கு தற்போது கொழும்பு கோட்டை நீதவான் நீதிமன்றத்தில் மற்றுமொரு வழக்கு.
இச்சம்பவத்திற்காக முறைப்பாட்டு தரப்பு வெவ்வேறு நீதிமன்றங்களில் வழக்குகளை தாக்கல் செய்கின்றது, ஒரு நீதிமன்றம் பிணை வழங்கும்போது மற்றுமொரு நீதிமன்றம் விளக்கமறியலில் வைக்கின்றது.
இந்த சம்பவம் தொடர்பான வழக்கு இந்த நீதிமன்றத்தில் இருக்கும்போது இந்த நீதிமன்றத்திற்கு அதிகார வரம்பு இல்லை என எப்படி அவர்கள் தெரிவிக்க முடியும்,இந்தசம்பவம் தொடர்பான வங்கி கணக்கு இந்த நீதிமன்றம் பிறப்பித்த உத்தரவின் பேரிலேயே முடக்கப்பட்டது,எனவே பிணை மனுவை விசாரிக்க இந்த நீதிமன்றத்திற்கு அவர்களால் எப்படி தெரிவிக்க முடியும் என அவர் தெரிவித்தார்.
