Thisa Thiruchelvam
இச் சமூகத்தில் சிறுவர் பாதுகாப்பு தொடர்பாக பொறுப்புக் கூற வேண்டியவர்களாக இருந்து கொண்டு “உங்களுடைய முற்கற்பிதத்தின்” அடிப்படையில் அக் குடும்பத்தையும் அவர்களுக்குக் கிடைக்க வேண்டிய நீதியையும் நீங்கள் நிராகரிக்க முடியாது.
இந்த வருடம் மாசி மாதம் ( 10.02.2026) யாழ்ப்பாணம் அல்லைப்பிட்டிப் பகுதியில் வைத்து பொலிசாரினால் சுட்டுக்கொல்லப்பட்ட 17 வயதுச் சிறுவனின் கொலையுடன் தொடர்புடைய சந்தேக நபர்கள் ஒன்பது மாதங்களாகியும் இன்னமும் கைது செய்யப்படவில்லை.
பதினேழு வயது சிறுவனை பொலிசார் சுட்டுக் கொண்டிருக்கின்றார். அச்சிறுவன் தொடர்பாக முக்கியமாகப் பொறுப்புக் கூற வேண்டிய சங்கானை பிரதேச பிரிவைச் சேர்ந்த சிறுவர் உரிமை மற்றும் சிறுவர் பாதுகாப்பு அரச அதிகாரிகள் ஒன்பது மாதங்களாகியும் எதுவும் தெரியாதது போல் மெளனமாக இருக்கின்றார்கள்.
உங்களுக்கு தனிப்பட்ட கருத்துக்கள், விமர்சனங்கள் இருக்கலாம் ஆனால் அச்சிறுவனின் கொலைக்கு பொறுப்புக் கூற வேண்டிய பதவிகளில் இருந்து கொண்டு அமைதியாக இருப்பதை ஒருபோதும் ஏற்றுக்கொள்ள முடியாது.
உங்களுக்கு இவ்விடயம் தொடர்பாக தனிப்பட்ட ரீதியிலான தெரிவுகள் இருக்கலாம் ஆனால் அரச பதவிகளில் இருந்து கொண்டு அவற்றைச் செய்ய முடியாது.
இச் சமூகத்தில் சிறுவர் பாதுகாப்பு தொடர்பாக பொறுப்புக் கூற வேண்டியவர்களாக இருந்து கொண்டு “உங்களுடைய முற்கற்பிதத்தின்” அடிப்படையில் அக் குடும்பத்தையும் அவர்களுக்குக் கிடைக்க வேண்டிய நீதியையும் நீங்கள் நிராகரிக்க முடியாது.
இவ்வாறான பொலிஸ் கொலைகளில் உங்களுக்குத் தலையீடு செய்ய முடியாவிட்டால் பதவிகளில் இருந்து விலகியிருங்கள்.
இவ்விடயத்தில் கரிசனையோடு சிறுவனுக்கு கிடைக்க வேண்டிய நீதியை நிலைநாட்ட நேர்மையாக செயற்படுபவர்கள் அதற்குரிய பொறுப்புக்களை எடுத்துக் கொள்ளட்டும் நீங்கள் விலகியிருங்கள்.
“கடமைக்கும் கண்துடைப்புக்கும் அரச உத்தியோகத்தர்களாக இருப்பதில் அர்த்தம் இல்லை, ஆகக் குறைந்தபட்ச அறத்தோடு உங்களுடைய கடமைகளைச் செய்யுங்கள்.”
சிறுவர் நன்னடத்தை உத்தியோகத்தர்
சிறுவர் பாதுகாப்பு உத்தியோகத்தர்
பிரதேச சிறுவர் உரிமை மேம்பாட்டு உத்தியோகத்தர்
மாவட்ட/பிரதேச உளவியல் சமூக உத்தியோகத்தர்.
