சமூக ஒற்றுமைக்கான பொறுப்பான டிஜிட்டல் சமூகம் திட்டத்தின் நிறைவு விழாவும் விருது வழங்கல் நிகழ்வும் வெற்றிகரமாக நிறைவு
SOND அமைப்பினால் முன்னெடுக்கப்பட்ட “சமூக ஒற்றுமைக்கான பொறுப்பான டிஜிட்டல் சமூகம்” திட்டத்தின் நிறைவு விழாவும் விருது வழங்கல் நிகழ்வும் 2026 மே 28 ஆம் திகதி சாவகச்சேரி நகர சபை மண்டபத்தில் SOND நிறைவேற்றுப் பணிப்பாளர் திரு.ச.செந்துராசா தலைமையில் சிறப்பாக நடைபெற்றது.
இந்நிகழ்வின் பிரதம விருந்தினராக வடமாகாண ஆளுநர் கௌரவ நாகலிங்கம் வேதநாயகன் அவர்கள் கலந்து கொண்டார். சிறப்பு விருந்தினர்களாக வடமாகாண கல்வி அமைச்சின் செயலாளர் திரு எம். பற்றிக் நிரஞ்சன், UNICEF சிறுவர் பாதுகாப்பு உத்தியோகத்தர் திருமதி.சர்மிலி, , கலாநிதி. கே. சண்முகநாதன் மூத்த விரிவுரையாளர், விருந்தோம்பல் முகாமைத்துவத் துறை, பல்கலைக்கழக கல்லூரி, யாழ்ப்பாணம், திரு.மு.லிங்கறூபன் பொறியியலாளர்,
வடமாகாணம் வவுனியா பல்கலைக்கழக வேந்தர் திரு மோகனதாஸ், பல்கலைக்கழக சிரேஷ்ட விரிவுரையாளர்களான திரு ஜீவசுதன் மற்றும் திரு கஜவிந்தன் ஆகியோர் கலந்து கொண்டு நிகழ்வை சிறப்பித்தனர்.
மேலும் இந் நிகழ்வில் அரச மற்றும் அரச சார்பற்ற நிறுவனங்களின் பிரதிநிதிகள் உள்ளிட்ட பலர் கலந்து கொண்டனர்.
நிகழ்வின் போது இத்திட்டத்தில் பங்காற்றிய உத்தியோகத்தர்கள் மற்றும் பயிற்சிவித்த பயிற்றுவிப்பாளர்கள் மற்றும் பயிற்சி எடுத்துக்கொண்ட பயிற்சியாளர்கள் மற்றும் போட்டிகளில் கலந்துகொண்டு இடங்களைப் பெற்ற சிறுவர்கள் கௌரவிக்கப்பட்டனர்.
