கொழும்பு போர்ட் சிட்டியில் அமையவுள்ள ‘சென்ட்ரல் பார்க் பொலிவார்ட்’ (Central Park Boulevard Port City Colombo) திட்டத்தின் பிரமாண்டமான தொடக்க வார இறுதி நிகழ்வுக்கு முன்னதாக, உலகப் புகழ்பெற்ற கிரிக்கெட் ஜாம்பவான் மஹேல ஜயவர்தனவை தனது நிறுவனத்தின் பிராண்ட் தூதராக (Brand Ambassador) ‘ஹோம் லேண்ட்ஸ் குரூப்’ (Home Lands Group) நியமித்துள்ளது. இலங்கையின் மிகப்பெரிய ரியல் எஸ்டேட் அறிமுகமாக கருதப்படும் இந்த நிகழ்வு, ஜூன் 12 முதல் 14 வரை கொழும்பு சினமன் லைஃப் (Cinnamon Life) ஹோட்டலில் நடைபெறவுள்ளது.
இலங்கையின் மிகச்சிறந்த விளையாட்டு அடையாளங்களில் ஒருவராகப் போற்றப்படும் ஜயவர்தன, தனது அசாத்திய திறமை, தலைமைத்துவம், நேர்மை மற்றும் சாதனைகளின் மூலம் ஒரு தனித்துவமான முத்திரையைப் பதித்துள்ளார். இலங்கை தேசிய கிரிக்கெட் அணியின் மதிப்பிற்குரிய முன்னாள் கேப்டனான அவர், கிட்டத்தட்ட இரண்டு தசாப்தங்கள் நீடித்த தனது சர்வதேச கிரிக்கெட் வாழ்க்கையில், மைதானத்திற்கு உள்ளேயும் வெளியேயும் விளையாட்டு உலகிற்கு ஆற்றிய பங்களிப்பிற்காக உலகளாவிய அங்கீகாரத்தைப் பெற்றுள்ளார்.
தனது விளையாட்டு வாழ்க்கையில், கிரிக்கெட் வரலாற்றின் மிகச்சிறந்த பேட்ஸ்மேன்களில் ஒருவராக உருவெடுத்த ஜயவர்தன, டெஸ்ட் மற்றும் ஒருநாள் (ODI) கிரிக்கெட் போட்டிகள் இரண்டிலும் 10,000 ஓட்டங்களைக் கடந்த ஒரு சில வீரர்களில் ஒருவராவார். 2007 ஆம் ஆண்டு ஐசிசி உலகக் கோப்பை இறுதிப் போட்டிக்கு இலங்கை அணியை வழிநடத்திய அவர், 2014 ஆம் ஆண்டு ஐசிசி டி20 உலகக் கோப்பை வெற்றி உட்பட சர்வதேச அரங்கில் இலங்கை பெற்ற மிக முக்கியமான பல சாதனைகளில் முக்கிய பங்கு வகித்தார். அவரது தொழில்முறை அணுகுமுறை, வியூக சிந்தனை மற்றும் நிதானமான தலைமைத்துவத்திற்காக அறியப்பட்ட ஜயவர்தனவின் செல்வாக்கு, அவர் ஓய்வு பெற்ற பின்னரும் தொடர்ந்து நீடித்து வருகிறது.
இந்தக் கூட்டாண்மை குறித்துப் பேசிய ஜயவர்தன: “இலங்கையின் நம்பர் 1, மிகவும் நம்பகமான மற்றும் புதுமையான கட்டுமான நிறுவனமான ஹோம் லேண்ட்ஸ் குரூப் உடன் பிராண்ட் தூதராக இணைந்ததில் நான் பெருமையடைகிறேன். நம்பிக்கை, புதுமை மற்றும் சிறந்து விளங்குதல் ஆகிய விழுமியங்களை அடிப்படையாகக் கொண்டு செயல்படும் ஒரு பிராண்டுடன் கைகோர்ப்பதில் மகிழ்ச்சி அடைகிறேன்” என்றார்.
ஹோம் லேண்ட்ஸ் மற்றும் ஜயவர்தன இடையேயான இந்த கூட்டணி, இருதரப்பின் பொதுவான விழுமியங்கள் மற்றும் தொலைநோக்குப் பார்வையின் இயல்பான இணைப்பை பிரதிபலிக்கிறது. இருவரும் நம்பிக்கை, சீரான தன்மை, நம்பகத்தன்மை மற்றும் புதுமை ஆகியவற்றின் மூலம் உள்ளூர் மற்றும் சர்வதேச அளவில் மக்களின் மரியாதையைப் பெற்றுள்ளனர்.
ஜயவர்தன எவ்வாறு இலங்கை நாட்டின் பெருமையை உலக விளையாட்டு அரங்கிற்கு கொண்டு சென்றாரோ, அதேபோல ஹோம் லேண்ட்ஸ் நிறுவனம் இலங்கையின் ரியல் எஸ்டேட் துறையின் திறனை உலகிற்கு வெளிப்படுத்துவதில் முன்னணி சக்தியாக உருவெடுத்துள்ளது.
இருதரப்பும் இணைந்து, தரநிலைகளை உயர்த்துவதற்கும், வாக்குறுதிகளை நிறைவேற்றுவதற்கும், நேர்மை மற்றும் நீண்டகால வெற்றியின் அடிப்படையில் ஒரு சிறந்த பாரம்பரியத்தை உருவாக்குவதற்கும் தங்களின் கூட்டு அர்ப்பணிப்பை வெளிப்படுத்துகின்றனர்.
ஹோம் லேண்ட்ஸ் குரூப் நிறுவனங்களின் தலைவர் நலின் ஹேரத் கூறுகையில்: “மஹேல, கிரிக்கெட் உலகையும் தாண்டி தனது சாதனைகள், தலைமைத்துவம் மற்றும் செல்வாக்கிற்காக அங்கீகாரம் பெற்ற, இலங்கையின் மிகவும் மதிக்கப்படும் உலகளாவிய தூதர்களில் ஒருவர் ஆவார். ஹோம் லேண்ட்ஸ் நிறுவனம் இலங்கையின் ரியல் எஸ்டேட் துறையை உலக அரங்கிற்கு கொண்டு செல்லும் இந்த வேளையில், அவரது இந்த சாதனைப் பின்னணி, நம்பகத்தன்மை மற்றும் சர்வதேச தகுதி ஆகியவை அவரை எங்கள் நிறுவனத்திற்கு மிகவும் பொருத்தமானவராக ஆக்குகிறது” என்றார்.
