வியட்ஜெட் (Vietjet) நிறுவனம் தனது ஜூலை டபுள் டே (7/7) பண்டிகையை முன்னிட்டு, 2026 ஜூலை 7 முதல் 9 வரை மூன்று நாட்களுக்கு சிறப்பு சலுகைகளை அறிவித்துள்ளதால், இலங்கை பயணிகள் தங்களின் அடுத்த பயணத்தை குறைந்த செலவில் திட்டமிட முடியும். இதன்படி, இந்த விமான நிறுவனத்தின் புதிய கொழும்பு – ஹோ சி மின் சிட்டி (Ho Chi Minh City) சேவைக்கான ‘Eco’ ரக ஒருவழி பயண டிக்கெட்டுகளை 90 அமெரிக்க டொலர்கள் முதலும் (வரிகள் மற்றும் கட்டணங்கள் உட்பட), ‘Deluxe’ மற்றும் ‘SkyBoss’ ரக அடிப்படை கட்டணங்களில் 20% தள்ளுபடியையும் SALE77 என்ற விளம்பரக் குறியீட்டைப் (Promo Code) பயன்படுத்தி பயணிகள் பெற்றுக்கொள்ளலாம். இந்தத் தள்ளுபடிகள் வியட்நாமின் உள்நாட்டு வழித்தடங்களுக்கும், வியட்ஜெட்டின் ஏனைய சர்வதேச விமான வழித்தடங்களுக்கும் பொருந்தும்.
கொழும்பு மற்றும் ஹோ சி மின் சிட்டி இடையிலான வியட்ஜெட்டின் முதலாவது விமான சேவை, 2026 ஆகஸ்ட் 18 அன்று ஆரம்பமாகவுள்ள நிலையில், அதற்கு சில வாரங்களுக்கு முன்னதாக இந்த சிறப்பு விற்பனை வந்துள்ளது. செவ்வாய், வியாழன் மற்றும் சனிக்கிழமைகளில் வாரத்திற்கு மூன்று முறை இயக்கப்படும் இந்த ஐந்து மணித்தியாலப் பயணம், இலங்கை பயணிகளுக்கு வியட்நாமுக்கான நேரடி அணுகலை வழங்குவதோடு, ஆசியா, ஆஸ்திரேலியா மற்றும் ஐரோப்பாவில் விரிவடைந்து வரும் வியட்ஜெட்டின் ஏனைய விமான சேவைகளுக்கான இணைப்புகளையும் எளிதாக வழங்குகிறது.
இந்தச் சலுகைகள் 2026 ஆகஸ்ட் 15 முதல் 2027 மார்ச் 31 வரையான காலப்பகுதியிலான பயணங்களுக்கு செல்லுபடியாகும் (அரசு பொது விடுமுறை நாட்கள் மற்றும் பண்டிகைக் கால நெரிசல்மிக்க நாட்கள் தவிர்த்து). சலுகை விலையிலான ‘Eco’ கட்டணங்களை www.vietjetair.com என்ற இணையதளம் அல்லது “Vietjet Air” என்ற மொபைல் செயலி மூலமாக முன்பதிவு செய்யும்போது பெற்றுக்கொள்ளலாம். அதேநேரம், பிரீமியம் (premium) கட்டணங்களுக்கான 20% தள்ளுபடியானது வியட்ஜெட்டின் அனைத்து விற்பனை வழிகளிலும் (Sales Channels) கிடைக்கும்.
மேலும், வியட்நாமின் குறிப்பிட்ட உள்நாட்டு வழித்தடங்களில் விமானங்களின் எண்ணிக்கையை வியட்ஜெட் அதிகரித்துள்ளதுடன், அங்கேயும் ‘Eco’ கட்டணங்களுக்கு சிறப்பு தள்ளுபடிகளை வழங்குகிறது. இது அந்நாட்டில் பல இடங்களுக்குச் செல்ல திட்டமிடும் பயணிகளுக்கு கூடுதல் பலனை அளிக்கும்.
ஒரு குறுகிய பயணமாக இருந்தாலும், கலாச்சாரப் பயணமாக அல்லது வணிகப் பயணமாக இருந்தாலும், வியட்ஜெட்டின் இந்த ஜூலை டபுள் டே பிரச்சாரமானது இலங்கை பயணிகள் வியட்நாமுக்கும் அதற்கு அப்பாலும் செல்வதற்கான டிக்கெட்டுகளை சிறந்த விலையில் முன்பதிவு செய்வதற்கான வாய்ப்பை வழங்குகிறது. இந்தச் சேமிப்புகளுக்கு அப்பால், மலிவு விலையுடன் நெகிழ்வுத்தன்மையையும் (flexibility) ‘Deluxe’ ரகம் வழங்குகிறது. இதில் 20 கிலோ வரையான பதிவு செய்யப்பட்ட சாமான்கள் (checked baggage), இலவச இருக்கை தெரிவு மற்றும் நெகிழ்வான பயணத்திட்ட மாற்றங்கள் ஆகியன உள்ளடக்கப்பட்டுள்ளன (விதிமுறைகள் மற்றும் நிபந்தனைகளுக்கு உட்பட்டது). அதைவிட மேம்பட்ட ஒரு பயண அனுபவத்திற்கு, ‘SkyBoss’ ரகமானது பிரீமியம் சேவைகள், கனிவான உபசரிப்பு, தேர்ந்தெடுக்கப்பட்ட விமான உணவு மற்றும் வணிக மற்றும் பொழுதுபோக்கு பயணிகளுக்காக வடிவமைக்கப்பட்ட தடையற்ற பயண அனுபவத்தை வழங்குகிறது.
வியட்ஜெட் தனது விரிவடைந்து வரும் சேவை வலையமைப்பு, எரிபொருள் திறன்மிக்க விமானங்கள் மற்றும் வாடிக்கையாளர்களை மையமாகக் கொண்ட சேவைகள் மூலம் விமானப் பயணத்தை மிகவும் மலிவானதாகவும் அணுகக்கூடியதாகவும் மாற்றி, ஒவ்வொரு பயணத்திலும் ஒரு வசதியான மற்றும் மகிழ்ச்சியான அனுபவத்தை வழங்கி வருகிறது. பயணிகள் வியட்நாமிய மற்றும் சர்வதேச உணவுகளால் ஈர்க்கப்பட்டு புதிதாகத் தயாரிக்கப்பட்ட சூடான உணவுகளான போ (pho), பான் மி (banh mi) மற்றும் வியட்நாமிய ஐஸ் மில்க் காபி போன்ற தங்களுக்குப் பிடித்தமானவற்றை விமானத்தில் சுவைக்கலாம். வியட்ஜெட்டின் அர்ப்பணிப்புள்ள பணிக்குழாமினரின் அன்பான உபசரிப்பு மற்றும் சிறப்பு சந்தர்ப்பங்களில் விமானத்தில் நடைபெறும் தனித்துவமான கலாச்சார நிகழ்ச்சிகளுடன், ஒவ்வொரு பயணமும் ஒரு மறக்கமுடியாத அனுபவமாக மாறும்.
