நாடாளுமன்றத்தில் சமர்ப்பிக்கப்பட்டுள்ள அரசை பயங்கரவாதத்திலிருந்து பாதுகாக்கும் சட்டமூலம் குறித்து பேச்சுவார்த்தைகளில் ஈடுபட அரசாங்கம் தயார் என அமைச்சர் பிமல் ரத்நாயக்க தெரிவித்துள்ளார்.
உத்தேச சட்டமூலம் குறித்து உள்நாட்டு சர்வதேச அமைப்புகள் கரிசனை வெளியிட்டுள்ள நிலையிலேயே அமைச்சர் இதனை தெரிவித்துள்ளார்.
அமைச்சர் மேலும் தெரிவித்துள்ளதாவது
உத்தேச சட்டமூலத்தில் காணப்படும் கரிசனைக்குரிய விடயங்கள் குறைபாடுகள் குறித்து பேச்சுவார்த்தைகளை மேற்கொண்டு அவற்றிற்கு தீர்வை காணலாம்.
பயங்கரவாத தடைச்சட்டம் அதன் ஜனநாயக விரோத தன்மையால் கடந்த நான்கு தசாப்தங்களாக கடும் எதிர்ப்பை விமர்சனங்களை எதிர்கொண்டுள்ளது தேசிய மக்கள் சக்தி அரசாங்கம் அதனை நீக்குவோம் என வாக்குறுதியளித்துள்ளது
அரசாங்கம் பயங்கரவாத தடைச்சட்டத்தை நீக்குவதற்கான நடவடிக்கைகளை எடுத்துள்ளது, அதற்கு பதில் மேலும் ஜனநாயக தன்மை கொண்ட வலுவான சர்வதேச தராதரங்களுக்கு ஏற்ற மாற்றீடு தேவை.
ஒழுங்கமைக்கப்பட்ட குற்றங்கள் மற்றும் சர்வதேச பயங்கரவாதத்தை எதிர்கொள்வதற்கு புதிய சட்ட கட்டமைப்பு தேவை.
அரசைபாதுகாப்பதற்காகநாங்கள் செயற்படவேண்டும்,சட்டமூலம் குறித்த எந்த விசேட கரிசனைக்கும் பேச்சுவார்த்தைகள் மூலம் தீர்வை காணலாம் நாங்கள் அதற்கு தயாராக உள்ளோம் என அமைச்சர் தெரிவித்துள்ளார்.
