கொழும்பில் நடைபெற்ற ஆசிய ஒலிபரப்பு சங்கத்தின் மாநாட்டிற்கு நிதியளிப்பதற்காகத் தனியார் தொலைக்காட்சிஅலைவரிசையொன்றிற்கு அரசாங்கம் 100 மில்லியனை வழங்கியமை நாடாளுமன்றத்தில் கடும் விவாதத்திற்குள்ளானது.
இதேபோன்றதொரு குற்றசாட்டின் கீழ் முன்னாள் அமைச்சர் பசில் ராஜபக்சவிற்கு எதிராக நீதிமன்றில் வழக்கு தொடரப்பட்டுள்ள நிலையில் அரசாங்கம் இதற்கு எவ்வாறு அனுமதியளித்தது என எதிர்கட்சி நாடாளுமன்ற உறுப்பினர் முஜிபூர் ரஹ்மான் கேள்வி எழுப்பினார்
அவர் மேலும் தெரிவித்துள்ளதாவது
கொழும்பில் இடம்பெற்ற ஏபியு மாநாட்டிற்காக அரசாங்கம் 100 மில்லியன் ரூபாவை தனியார் தொலைக்காட்சி நிறுவனமொன்றிற்கு வழங்கியுள்ளது.
இவ்வாறானதொரு நோக்கத்திற்காக திறைசேரி எவ்வாறு நிதியை விடுவித்தது.
இந்த மாநாட்டிற்காக நிதி ஒதுக்கீடு செய்யப்படவில்லை என ஊடகதுறை அமைச்சர் தெரிவித்தார் அப்படியானால் ஜனாதிபதி ஏன் நிதி ஒப்புதலை கோரி அமைச்சரவையின் ஒப்புதலை நாடவேண்டும்?
அமைச்சரவை கூட்டத்தின்போது அமைச்சர் ஏன் பொய்சொன்னார் என்ற கேள்வி எழுகின்றது.
மேலும் இதேபோன்றதொரு சம்பவத்தில் சுற்றுலா மேம்பாட்டுக்கு என தெரிவித்து சுற்றுலா மேம்பாட்டு பணியகத்தின் 7.8 மில்லியன் ரூபாயினை பயன்படுத்தி ரிசேர்ட்களை தயாரித்தார் என கூறி அவருக்கு எதிராக வழக்கு தாக்கல் செய்யப்பட்டுள்ளது.
சட்டத்தின் முன் அனைவரும் சமம் நீதி அனைவருக்கும் சமமானது. என அவர் தெரிவித்தார்.
