நுண்கடன் நிறுவனங்களின் ஒழுக்கவிதிகளிற்கு மாறான நடவடிக்கைகளால் பாதிக்கப்பட்ட மக்கள் தங்களின் பிரச்சினைகளிற்கு தீர்வை காண்பதற்கு அரசாங்கம் உடனடியாக தலையிடவேண்டும் என வேண்டுகோள் விடுத்துள்ளதுடன் இதுவரை அதிகாரிகள் எடுத்த நடவடிக்கைகளால் எந்த பலனும் இல்லை என தெரிவித்துள்ளனர்.
நுண்கடன் நிறுவனங்கள் பெண்களை துன்புறுத்துவது முடிவிற்கு வரவில்லை என நுண்கடனால் பாதிக்கப்பட்டவர்களின் அமைப்பின் தலைவர் நிரோசா குருகே தெரிவித்துள்ளார்.
இலங்கையில் நுண்கடன் வழங்கும் 3000க்கும் மேற்பட்ட நிறுவனங்கள் உள்ளதாக அவர் குறிப்பிட்டுள்ளார்.
இந்த நிறுவனங்களை நாங்கள் கொலைகார நிறுவனங்கள் என ஆதாரத்துடன் குறிப்பிடுகின்றோம்
என செய்தியாளர் மாநாட்டில் தெரிவித்துள்ள அவர் பொலனறுவையில் 2000 ரூபாயினை திருப்பி செலுத்த முடியாததால் நபர் ஒருவர் தனக்குதானே தீமூட்டி உயிரிழந்துள்ளார் என குறிப்பிட்டுள்ளார்.
கடன்களை திருப்பி செலுத்த முடியாததால் மக்கள் தற்கொலை செய்கின்றனர் என அரசாங்கமே தெரிவிக்கின்றது அப்படியானால் இந்த நுண்கடன் நிறுவனங்களிற்கு எதிரான நடவடிக்கை எடுக்கவேண்டும் என வேண்டுகோள் விடுத்துள்ள நிரோசா குருகேஇதேசிய மக்கள் சக்தி அரசாங்கம் இந்த விடயத்தில் வழங்கிய வாக்குறுதி நம்பிக்கை அளிக்கவில்லை.
நுண்கடன் நிறுவனங்களால் மூன்றுமில்லியன் பேர் பாதிக்கப்பட்டுள்ளனர் என்பதை அடிப்படையாகவைத்தே இந்த நிறுவனங்களின் நடவடிக்கைகளை கணிப்பிடவேண்டும்இஎன அவர் தெரிவித்துள்ளார்.
