அமெரிக்காவின் நியுயோர்க் நகரின் முதலாவது முஸ்லீம் மேயராக ஜனநாயக கட்சியின் 34 வயது ஜொஹ்ரான் மம்டானி தெரிவுசெய்யப்பட்டுள்ளார்.
தன்னை ஜனநாயக சோசலிஸ்ட் என அழைத்துக்கொள்ளும் மம்டானி ஆறு மாதங்களிற்கு முன்னர் அதிகம் அறியப்படாதவராக காணப்பட்டார் எனினும் சமூக நலதிட்டங்கள் செல்வந்தர்களுக்கான வரிகள் போன்ற வாக்குறுதிகள் மூலம் மக்களின் ஆதரவை பெற்று வெற்றிபெற்றுள்ளார்.
வெற்றிக்கு பின்னர் ஆற்றிய உரையில் இந்த இருள்மயமான அரசியல் தருணத்தில் நியுயோர்க் நகரம் வெளிச்சமாக இருக்கும் என அவர் தெரிவித்துள்ளார்.
கட்டணமற்ற பேருந்துகள் சிறுவர் நலதிட்டங்கள்- சிறுவர் பராமரிப்பு -மக்கள் வாழ்வதற்கு ஏற்ற நகரமாக நியுயோர்க்கினை மாற்றுவதற்காக அதிகரித்துவரும் வீட்டு வாடகைக்கு தீர்வை காணுதல் போன்ற தனது வாக்குறுதிகளை அவர் மீண்டும் நினைவுபடுத்தியுள்ளார்.
இவரைப் பற்றிய சில முக்கிய தகவல்கள்:
பின்னணி: இவர் உகாண்டாவில் பிறந்தார் ஏழு வயதில் தனது குடும்பத்துடன் நியூயார்க் நகரத்திற்கு குடிபெயர்ந்தார். இவரது தாயார் புகழ்பெற்ற இந்திய-அமெரிக்க திரைப்படத் தயாரிப்பாளர் மீரா நாயர்.
அடையாளம்: இவர் நியூயார்க் நகரத்தின் முதல் முஸ்லிம் மேயர் மற்றும் தெற்காசிய வம்சாவளியைச் சேர்ந்த முதல் மேயர் ஆவார். மேலும் ஒரு நூற்றாண்டுக்கும் மேலான காலப்பகுதியில் மிக இளைய மேயராக (34 வயது) பதவியேற்கவுள்ளார்.
அரசியல் நிலைப்பாடு: இவர் தன்னை ஒரு ஜனநாயக சோசலிஸ்ட் என்று அடையாளப்படுத்திக் கொள்கிறார்.
முக்கிய வாக்குறுதிகள்: மலிவு விலை வாழ்க்கை அனைவருக்கும் இலவச குழந்தை பராமரிப்பு இலவச பேருந்து சேவைகள் மற்றும் வாடகைக் கட்டுப்பாட்டில் உள்ள குடியிருப்புகளுக்கு வாடகை முடக்கம் போன்ற சமூக நலத் திட்டங்களை முன்வைத்து பிரச்சாரம் செய்தார்.
அரசியல் பயணம்: இவர் 2020 இல் நியூயார்க் மாநில சட்டசபைக்குத் தேர்ந்தெடுக்கப்படுவதற்கு முன்புஇ வீடுகளை இழந்தவர்களுக்கு உதவும் ஆலோசகராகப் பணியாற்றினார்.
முன்னாள் ஆளுநர் ஆண்ட்ரூ கியூமோவை எதிர்த்து ஜனநாயகக் கட்சியின் வேட்பாளர் தேர்தலில் வெற்றி பெற்ற பிறகு சமீபத்திய பொதுத் தேர்தலிலும் வெற்றி பெற்றுள்ளார். இவர் 2026 ஜனவரி 1 அன்று பதவியேற்பார் என்று எதிர்பார்க்கப்படுகிறது
