: அமெரிக்க ஜனாதிபதிர் டொனால்ட் டிரம்ப் தனது ‘ட்ரூத் சோஷியல்’ (Truth Social) சமூக வலைதளப் பக்கத்தில், நேட்டோ (NATO) நட்பு நாடுகளை “கோழைகள்” எனக் கடுமையாகச் சாடியுள்ளார். ஹோர்முஸ் நீரிணை (Strait of Hormuz) வழியாகக் கப்பல்கள் பாதுகாப்பாகச் செல்வதை உறுதி செய்வது அந்த நாடுகளுக்கு மிகவும் எளிதான காரியம் என்றும் அவர் குறிப்பிட்டுள்ளார்.
டிரம்பின் பதிவின் முழுமையான விபரம்:
“அமெரிக்கா இல்லையென்றால், நேட்டோ என்பது ஒரு காகிதப் புலி! அணுசக்தி கொண்ட ஈரானைத் தடுப்பதற்கான போரில் இணைய அவர்கள் விரும்பவில்லை.”
“தற்போது அந்தப் போர் இராணுவ ரீதியாக வெற்றி கொள்ளப்பட்டுவிட்டது, அவர்களுக்கு மிகக் குறைந்த ஆபத்தே உள்ளது. இப்போது அவர்கள் தாங்கள் செலுத்த வேண்டிய அதிகப்படியான எண்ணெய் விலையைப் பற்றிப் புகார் கூறுகின்றனர். ஆனால், எண்ணெய் விலை உயர்வுக்கு ஒரே காரணமான ஹார்முஸ் நீரிணையைத் திறக்க உதவ அவர்கள் முன்வரவில்லை. இது ஒரு எளிய இராணுவ நடவடிக்கை மட்டுமே.”
“மிகக் குறைந்த அபாயத்துடன் அவர்களால் இதைச் செய்வது மிகவும் எளிது. அவர்கள் கோழைகள், இதனை நாங்கள் நினைவில் வைத்திருப்போம்!“
செய்திப் பின்னணி: மத்திய கிழக்கு போர் காரணமாக ஹோர்முஸ் நீரிணை வழியாகச் செல்லும் எண்ணெய் விநியோகம் பாதிக்கப்பட்டுள்ளதால் உலகளவில் எரிபொருள் விலை உச்சத்தைத் தொட்டுள்ளது. இந்தச் சூழலில், ஐரோப்பிய நாடுகள் தங்களது கடற்படைகளை அனுப்பி அந்தப் பாதையைப் பாதுகாக்கத் தவறிவிட்டதாக டிரம்ப் குற்றம் சாட்டியுள்ளார். ஈரானின் இராணுவ வலிமையை அமெரிக்கா ஏற்கனவே முடக்கிவிட்டதால், இனி நேட்டோ நாடுகள் அங்கு செல்வது பாதுகாப்பானது என்பதே டிரம்பின் வாதமாகும்.
