மத்திய கிழக்கு மோதல்களுக்குப் பதிலடியாக, உலகிலேயே முதன்முறையாக பிலிப்பைன்ஸ் நாடு அதிகாரப்பூர்வமாக தேசிய எரிசக்தி அவசர நிலையை (National Energy Emergency) அறிவித்துள்ளது. எண்ணெய் விநியோகத் தடையால் அதிகம் பாதிக்கப்படக்கூடிய நாடுகளில் பிலிப்பைன்ஸும் ஒன்றாகும்.
முக்கிய அம்சங்கள்:
-
இறக்குமதி பாதிப்பு: பிலிப்பைன்ஸ் தனது கச்சா எண்ணெய் தேவையில் 98% சதவீதத்தை வளைகுடா நாடுகளிலிருந்தே இறக்குமதி செய்கிறது.
-
விலை உயர்வு: போர் தொடங்கிய கடந்த மூன்று வாரங்களில், டீசல் மற்றும் பெட்ரோல் விலைகள் இரண்டு மடங்குக்கும் மேலாக அதிகரித்துள்ளன. இதனால் நுகர்வோர் பெரும் பாதிப்புக்குள்ளாகியுள்ளனர்.
-
அதிபர் உத்தரவு: நாட்டின் எரிசக்தி விநியோகத்திற்கு “அடுத்தடுத்து ஆபத்து” (Imminent danger) இருப்பதாகக் குறிப்பிட்டு, ஜனாதிபதி பெர்டினாண்ட் மார்கோஸ் ஜூனியர் இந்த அவசரக்கால உத்தரவைப் பிறப்பித்துள்ளார்.
-
அரசின் புதிய அதிகாரங்கள்:
-
எரிசக்தி நிலைத்தன்மையை உறுதிப்படுத்தவும், பொருளாதாரத்தைப் பாதுகாக்கவும் அரசாங்கத்திற்கு கூடுதல் சட்ட அதிகாரங்கள் வழங்கப்பட்டுள்ளன.
-
எரிபொருள், உணவு, மருந்துகள் மற்றும் இதர அத்தியாவசியப் பொருட்களின் முறையான விநியோகத்தைக் கண்காணிக்க ஒரு குழு அமைக்கப்பட்டுள்ளது.
-
எரிபொருள் கையிருப்பை உறுதி செய்ய, அரசாங்கமே நேரடியாக எரிபொருளைக் கொள்முதல் செய்ய அதிகாரம் வழங்கப்பட்டுள்ளது.
-
-
கையிருப்பு நிலை: தற்போதைய நுகர்வு அளவுகளின்படி, பிலிப்பைன்ஸில் இன்னும் சுமார் 45 நாட்களுக்குத் தேவையான எரிபொருள் கையிருப்பு மட்டுமே உள்ளதாக எரிசக்தி அமைச்சர் தெரிவித்துள்ளார்.
