குவைத் சர்வதேச விமான நிலையத்தின் மீது புதன்கிழமை (உள்ளூர் நேரம்) ஈரானிய ட்ரோன்கள் (Drone) தாக்குதல் நடத்தியதாகவும், இதனால் அங்குள்ள எரிபொருள் தாங்கிகளில் “பெரிய தீ விபத்து” ஏற்பட்டுள்ளதாகவும் குவைத் சிவில் விமானப் போக்குவரத்து அதிகாரசபை தெரிவித்துள்ளது.
“குவைத் சர்வதேச விமான நிலையம், ஈரான் மற்றும் அது ஆதரிக்கும் ஆயுதக் குழுக்களால் ஏவப்பட்ட ட்ரோன்களின் அப்பட்டமான தாக்குதலுக்கு உள்ளாகியுள்ளது” என்று சிவில் விமானப் போக்குவரத்து பொது இயக்குநரகத்தின் செய்தித் தொடர்பாளர் கூறியதாக அதிகாரப்பூர்வ குவைத் செய்தி நிறுவனம் தெரிவித்துள்ளது.
அங்குள்ள “எரிபொருள் சேமிப்புத் தாங்கிகள் இலக்கு வைக்கப்பட்டன,” என்றும், அதன் விளைவாகப் பெரும் தீ விபத்து ஏற்பட்டதாகவும் அந்த செய்தித் தொடர்பாளர் குறிப்பிட்டார். இந்தச் சம்பவத்தில் உயிரிழப்புகள் எதுவும் ஏற்படவில்லை எனத் தெரிவிக்கப்பட்டுள்ளது.
