இலங்கை கடற்பரப்பிற்கு வெளியே நங்கூரமிட்டுள்ள ஈரானிய கப்பல்களுக்கு அவசியமான விநியோகத்தினை ஈரான் இந்தியாவின் உயர்மட்ட தலைவர்களை கோரியுள்ளதாக தகவல்கள் வெளியாகியுள்ளன.
இலங்கை கடற்பரப்பிற்கு வெளியே நங்கூரமிட்டுள்ள 20 கப்பல்களில் இந்திய மாலுமிகள் இருப்பதையும் அவர்கள் உணவு குடிநீர் எரிபொருள் போன்றவை இன்மையால் ஆபத்தான கட்டத்தில் உள்ளதையும் சுட்டிக்காட்டி இந்த விடயத்தில் தலையிடுமாறு ஈரான் இந்தியாவை கேட்டுக்கொண்டுள்ளது.
இந்தியாவிடம் தாங்கள் விடுத்த வேண்டுகோளிற்கான பதில் என்னவென இலங்கையில் உள்ள இந்திய தூதரகத்திடம் ஈரானிய தூதரகம் வினவியுள்ளது.
ஈரானிய கப்பல்களுக்கு சேவை வழங்குவது குறித்து அமெரிக்கா எச்சரித்துள்ளதன் பின்னணியிலேயே இந்த விடயங்கள் இடம்பெற்றுள்ளன.
இந்திய ஈரான் பேச்சுவார்த்தைகளின் முடிவுகள் குறித்து தகவல் எதுவும் இல்லாத போதிலும், இந்தியா இந்த விடயத்தில் ஈரான் கப்பல்களுக்கு உதவுவதற்கு முன்வராது என விடயமறிந்த வட்டாரங்கள் தெரிவித்துள்ளன.
அமெரிக்காவின் அச்சுறுத்தலால் இலங்கையும் இந்தியாவும் தர்மசங்கடமான நிலையில் உள்ளதாக விடயமறிந்த வட்டாரங்கள் தெரிவித்துள்ளன.
இந்தியாவால் தனது கொல்லைபுறத்தில் உள்ள ஈரானிய கப்பல்களில் இந்தியர்களும் சிக்குண்டுள்ளதை புறக்கணிக்க முடியுமா, என்ற கேள்வி எழுந்துள்ளது.
(THE ISLAND)
