இலங்கை கடற்பரப்பிற்கு வெளியே தரித்து நிற்கும் ஈரானிய கப்பல்களின் பணியாளர்கள் 27 பேருக்கு மருத்துவசிகிச்சையை வழங்கும் விடயத்தில் இலங்கை கடல்சார் சட்டங்கள் மற்றும் சர்வதேச பிரகடனங்களை இறுக்கமாக பின்பற்றியே செயற்பட்டது என பிரதிசுகாதார அமைச்சர் ஹன்சக விஜயமுனி தெரிவித்துள்ளார்
அவர் மேலும் குறிப்பிட்டுள்ளதாவது
கடல்சார் சட்டங்கள் மற்றும் அகதிகள் தொடர்பான சர்வதேச பிரகடனங்களை அடிப்படையாக வைத்தே இலங்கை செயற்பட்டது,தேசிய மத இன மற்றும் ஏனைய வேறுபாடுகளுக்கு அப்பால் சர்வதேச கொள்கைளுக்கு ஏற்ப மனிதாபிமான உதவி வழங்கப்பட்டது.
இந்த வருட ஆரம்பத்தில் இலங்கை கடற்பரப்பிற்கு வெளியே ஈரானிய கப்பல் அமெரிக்காவினால் தாக்கப்பட்டவேளை உள்ளுர் அவசரசேவை குழுக்கள் உடனடியாக செயற்பட்டு மருத்துவசிகிச்சையை வழங்கியிருந்தன என அவர் தெரிவித்துள்ளார்.
அங்கீகரிக்கப்பட்ட சர்வதேச நடைமுறைகளை வெளிப்படை தன்மையுடன் பின்பற்றுவது இலங்கை சர்வதேச இராஜதந்திர அழுத்தங்களையோ வெளிநாடுகளின் தலையீடுகளையோ தவிர்ப்பதற்கு உதவும் என தெரிவித்துள்ள பிரதியமைச்சர் சர்வதேச கடல்சார் சட்டம் மற்றும் உடன்படிக்கைகளை பின்பற்றி நடப்பதன் மூலம் இலங்கை தேவையற்ற புவிசார்பதற்றங்களை உருவாக்காமல் தனது கடமைகளை தொடர்ந்தும் செய்யும் என தெரிவித்துள்ளார்.
