கடந்த வருடம் ஒக்டோபர் மாதம் வெல்லம்பிட்டியில் காணாமல்போன 24 வயது நபர் ஒருவரை கொலை செய்தனர் என்ற சந்தேகத்தின் பேரில் நால்வர் கைதுசெய்யப்பட்டுள்ளனர்.
இது தொடர்பில் பொலிஸ் ஊடக பிரிவு தெரிவித்துள்ளதாவது
கிரான்ட்பாஸி;ல் உள்ள வாகனதிருத்துமிடத்தில் வைத்து அந்த நபரை கொலை செய்தவர்கள் அவரை உடலை எரித்து அழித்த பின்னர் மிகுதி மனித எச்சங்களை களனி ஆற்றில் வீசியுள்ளனர்.
2025 ஒக்டோபர் மாதம் அந்த நபர் காணாமல்போயுள்ளமை குறித்து பொலிஸில் குடும்பத்தவர்கள் முறைப்பாடு செய்தனர்.
இது தொடர்பில் மேற்கொள்ளப்பட்ட விசாரணைகளின் போது அந்த 2025 ஒக்டோபர் 11 ம் திகதி தனது வாகனதிருத்துமிடத்தில் பலருடன் சேர்ந்து மது அருந்திக்கொண்டிருந்தமையும் அவர் காணாமல்போன பின்னர் அந்த நபர்கள் தலைமறைவாகியுள்ளமையும் தெரியவந்தது.
இந்த வருடம் ஒக்டோபர் 30 திகதி கொழும்பு மாவட்ட குற்றத்தடுப்பு பிரிவினர் மாபொல மகரவில் இருவரை சந்தேகத்தின் பேரில் கைதுசெய்தனர்,அவர்களிடம் பெற்ற தகவல்கள் மூலம் உஸ்வகெட்டியவில் மேலும் இருவர் கைதுசெய்யப்பட்டுள்ளனர்.கைதுசெய்யப்பட்டவர்கள் வெல்லம்பிட்டி அகலவத்தையை சேர்ந்தவர்கள்.
அவர்கள் வாகனத்தரிப்பிடத்தில் வைத்து அந்த நபரை கொலை செய்த பின்னர் அவரது உடலை பப்பிலியாவலவிற்கு கொண்டு சென்று எரித்து அழித்த பின்னர் மிகுதி மனித எச்சங்களை களனி ஆற்றில் வீசியதாகவும் தெரிவித்துள்ளனர்.
இந்த குற்றத்துடன் தொடர்புடைய பல பொருட்களை சந்தேகநபர்களிடமிருந்து மீட்டுள்ள பொலிஸார் களனி ஆற்றுப்பகுதியில் கடற்படை சுழியோடிகளை பயன்படுத்தி தேடுதல் நடவடிக்கையை முன்னெடுத்தனர்.
