காசா மருத்துவமனையின் மருத்துவர் அபு சபியா இஸ்ரேலிய படையினரால் கைதுசெய்யப்பட்டு ஒரு வருடம் – எங்கே அவர்?

கமால் அத்வான் (Kamal Adwan) மருத்துவமனையின் பணிப்பாளராகப் பணியாற்றிய டாக்டர் ஹுசாம் அபு சபியா (Dr Hussam Abu Safiya) கடத்தப்பட்டு ஓராண்டு நிறைவடைந்துள்ளது; அவர் இன்னும் இஸ்ரேலிய சிறையிலேயே வைக்கப்பட்டுள்ளார்.

கடந்த ஓராண்டு காலமாக, அவரது குடும்பத்தினரும் உலகெங்கிலும் உள்ள பலஸ்தீன ஆதரவுப் போராட்டக்காரர்களும் அவரை விடுதலை செய்யுமாறு கோரிக்கை விடுத்து வருகின்றனர். இதற்கிடையில், மனிதநேயமற்ற தடுப்புக்காவல் நிலைமைகள் குறித்த அறிக்கைகளுக்கு மத்தியில் அவரது உடல்நிலை மோசமடைந்து வருவதாகத் தகவல்கள் தெரிவிக்கின்றன.

அவர் தடுப்புக்காவலில் வைக்கப்பட்டதிலிருந்து, அவருக்கு எதிராக எந்தவிதமான குற்றச்சாட்டுகளோ, விசாரணைகளோ அல்லது ஆதாரங்களோ பகிரங்கமாக முன்வைக்கப்படவில்லை.