கடந்த ஆண்டில் (2025) வெளிநாடுகளில் வாழும் இலங்கையர்கள் 8.1 பில்லியன் அமெரிக்க டொலர்களை நாட்டுக்கு அனுப்பியுள்ளதாக இலங்கை மத்திய வங்கியின் ஆளுநர் கலாநிதி பி. நந்தலால் வீரசிங்க தெரிவித்தார். இது தொடர்பாக மேலும் கருத்து தெரிவித்த அவர்:
“நாட்டின் வரலாற்றில் ஒரே ஆண்டில் வெளிநாடுகளில் வாழும் இலங்கையர்கள் நாட்டுக்கு அனுப்பிய அதிகூடிய தொகை இதுவாகும். கடந்த ஆண்டு டிசம்பர் மாதத்தில் மாத்திரம் வெளிநாட்டுத் தொழிலாளர்களின் பணம் 879 மில்லியன் அமெரிக்க டொலர்கள் நாட்டுக்கு கிடைத்துள்ளது. அந்தத் தொகையுடன் சேர்த்து, 2025 ஆம் ஆண்டின் மொத்த வெளிநாட்டுத் தொழிலாளர் பணப்பரிமாற்றம் 8.1 பில்லியன் டொலர்களாக பதிவாகியுள்ளது.
2024 ஆம் ஆண்டுடன் ஒப்பிடுகையில், 2025 ஆம் ஆண்டில் இதில் 22.8 சதவீத வளர்ச்சி ஏற்பட்டுள்ளது. வரலாற்றில் இதுவரை பதிவான அதிகூடிய பெறுமதியை எட்டியுள்ளதோடு, 8.1 பில்லியன் அமெரிக்க டொலர் எல்லையையும் இது கடந்துள்ளது. வெளிநாட்டுத் தொழிலாளர்களின் பணப்பரிமாற்றத்தில் ‘டிட்வா’ (Ditwa) சூறாவளிக்கு பின்னர் கிடைத்த ஏனைய கொடுப்பனவுகளும் உள்ளடக்கப்பட்டிருக்கலாம்.”
என தெரிவித்தார்
