“ஈரானிய ஏவுகணைகள் யுஎஸ்எஸ் லிங்கன் கப்பலுக்கு அருகில்கூட வரவில்லை” – அமெரிக்கா

யுஎஸ்எஸ் ஆபிரகாம் லிங்கன் (USS Abraham Lincoln) விமானம் தாங்கி போர்க்கப்பல் ஈரானிய ஏவுகணைகளால் தாக்கப்படவில்லை என்று அமெரிக்க மத்திய கட்டளை (Centcom) தெரிவித்துள்ளது.

முன்னதாக, ஈரானின் இஸ்லாமிய புரட்சிகர காவல்படை (IRGC), நான்கு பாலிஸ்டிக் ஏவுகணைகளைக் கொண்டு அந்தப் போர்க்கப்பலைத் தாக்கியதாக ஈரானிய அரசு ஊடகங்கள் செய்தி வெளியிட்டிருந்தன. ஆனால், “ஏவப்பட்ட ஏவுகணைகள் கப்பலுக்கு அருகில்கூட வரவில்லை” என்று சென்காம் (Centcom) கூறியுள்ளது. மேலும், ஈரானிய ஆட்சியின் அச்சுறுத்தல்களை முறியடிப்பதன் மூலம் அமெரிக்க மக்களைப் பாதுகாப்பதற்கான தனது இடைவிடாத நடவடிக்கையில் லிங்கன் கப்பல் தொடர்ந்து விமானங்களை ஏவி வருவதாகவும் அது சேர்த்துக் கொண்டது.

யுஎஸ்எஸ் ஆபிரகாம் லிங்கன் என்பது அமெரிக்க கடற்படையின் ஐந்தாவது நிமிட்ஸ்-கிளாஸ் (Nimitz-class) விமானம் தாங்கி போர்க்கப்பலாகும். இதில் எதிரி ரேடார்களில் சிக்காமல் பறக்கும் அதிநவீன எஃப்-35 (F-35) ஸ்டெல்த் விமானங்கள் உள்ளன. பிபிசி (BBC Verify) சரிபார்த்த செயற்கைக்கோள் படங்களின்படி, இந்தப் போர்க்கப்பல் பிப்ரவரி 15 அன்று ஓமன் கடற்கரைக்கு அப்பால் காணப்பட்டது குறிப்பிடத்தக்கது.