REUTERS
இலங்கையின் தெற்கு கடற்பரப்பில் வைத்து ஈரானியக் கடற்படைக்குச் சொந்தமான ‘IRIS Dena’ என்ற போர்க்கப்பல் மீது நடத்தப்பட்ட நீர்மூழ்கிக் கப்பல் தாக்குதலில் குறைந்தது 101 பேர் மாயமாகியுள்ளனர் என்றும், 78 பேர் காயமடைந்துள்ளனர் என்றும் பாதுகாப்பு அமைச்சக வட்டாரங்களை மேற்கோள் காட்டி செய்திகள் வெளியாகியுள்ளன.
ஈரானியக் கப்பலில் இருந்து வந்த அவசர உதவி அழைப்பை (Distress call) அடுத்து, இலங்கை கடற்படை மீட்புப் பணியைத் தொடங்கியுள்ளதாக பாதுகாப்பு அமைச்சகத்தின் செய்தித் தொடர்பாளர் REUTERSராய்ட்டர்ஸ் செய்தி நிறுவனத்திடம் தெரிவித்துள்ளார். தாக்குதல் நடந்த சமயத்தில் அந்தக் கப்பலில் 180 பேர் இருந்ததாக இராணுவம் தெரிவித்துள்ளது.
நாடாளுமன்றத்தில் வெளியுறவு அமைச்சரின் அறிக்கை
இலங்கை கடற்பரப்பில் மூழ்கிக் கொண்டிருக்கும் அந்தப் போர்க்கப்பலில் இருந்து குறைந்தது 30 பேரை இலங்கை இராணுவம் மீட்டுள்ளதாக வெளிவிவகார அமைச்சர் விஜித ஹேரத் நாடாளுமன்றத்தில் தெரிவித்தார். இது குறித்து மேலதிக விவரங்களை அவர் வழங்கவில்லை என்றாலும், இலங்கை உரிய நடவடிக்கைகளை எடுக்கும் என்று குறிப்பிட்டார்.
கப்பல் அடையாளம் காணப்பட்டது
, அந்தப் போர்க்கப்பல் ஈரானின் தெற்கு கடற்படைக்குச் சொந்தமான ‘மௌட்ஜ்-கிளாஸ்’ (Moudge-class) ரகத்தைச் சேர்ந்த ‘IRIS Dena’ என்று அடையாளம் காணப்பட்டுள்ளது. இந்தக் கப்பல் தெற்கு கடலோர நகரமான காலிக்கு (Galle) அருகிலேயே தனது அவசர உதவி சமிக்ஞையை அனுப்பியுள்ளது.
தாக்குதலின் பின்னணி
இந்த நீர்மூழ்கிக் கப்பல் தாக்குதல் தொடர்பான சூழல் இன்னும் தெளிவாகத் தெரியவில்லை. இருப்பினும், கடந்த சில நாட்களாக ஈரானியக் கடற்படை மீது அமெரிக்கா தொடர்ச்சியான தாக்குதல்களை நடத்தி வருவதாக அமெரிக்க அதிகாரிகள் தெரிவித்துள்ளனர். இந்த வார தொடக்கத்தில் டொனால்ட் ட்ரம்ப் கூறுகையில், அமெரிக்கப் படைகள் 10 ஈரானியக் கப்பல்களை மூழ்கடித்துள்ளதாகத் தெரிவித்தார் (ஆனால் அவை எங்கு மூழ்கடிக்கப்பட்டன என்பதை அவர் குறிப்பிடவில்லை).
