BBC
சனிக்கிழமை உள்ளூர் நேரப்படி இரவு 10:00 மணியளவில் (20:00 GMT), இஸ்ரேலிய நகரமான ஆராட் (Arad) மீது நடத்தப்பட்ட ஏவுகணைத் தாக்குதல் இடத்திற்கு அழைக்கப்பட்ட பாராமெடிக்கல் (Paramedic) அதிகாரி நரம் சையத் (Naram Zaid) தனது அனுபவத்தைப் பகிர்ந்து கொண்டார்.
“நான் அங்கு சென்றடைந்த போது ஒரு கட்டிடம் தீப்பற்றி எரிந்து கொண்டிருந்ததைக் கண்டேன்,” என்று கூறிய அவர், யாராவது கட்டிடத்திற்குள் சிக்கியிருப்பார்களோ என்பதே தனது முக்கிய கவலையாக இருந்ததாகத் தெரிவித்தார்.
இஸ்ரேலிய அவசரகால சேவையான மேகன் டேவிட் அடோம் (Magen David Adom) அமைப்பில் பணியாற்றும் நரம், கட்டிடத்திற்குள் இருந்த பொருட்கள் சரிந்து விழுந்ததில் நசுங்கி, “தலை மற்றும் மார்புப் பகுதிகளில் காயமடைந்த பல குழந்தைகளை” கண்டதாகக் குறிப்பிட்டார்.
“ஏராளமான மக்கள் இரத்த வெள்ளத்தில் இருப்பதைக் கண்டோம்,” என்று அவர் என்னிடம் கூறினார்.
தொடர்ந்து அவர் கூறுகையில், “உடைந்த கண்ணாடித் துண்டுகளால் முகத்தில் இரத்தம் வழிந்த நிலையில், தலையில் காயமடைந்த பத்து வயது சிறுமி ஒருவரை ஒரு பொலிஸ் அதிகாரி இடிந்த கட்டிடத்திலிருந்து வெளியே தூக்கி வந்தபோது, நான் அவளுக்கு ஆறுதல் கூற முயன்றேன்.”
“அவளது பெற்றோர் இன்னும் கட்டிடத்திற்குள்ளேயே இருந்ததால், அவள் ஆம்புலன்ஸில் ஏற மறுத்துவிட்டாள். சிதைந்த அந்த அடுக்குமாடி குடியிருப்பில் இருந்து அவர்கள் வெளியேற்றப்படும் வரை நாங்கள் காத்திருந்து, பின்னர் அவர்கள் அனைவரையும் மருத்துவமனைக்கு அனுப்பி வைத்தோம்,” என்றார்
