உலகளவில் அங்கீகரிக்கப்பட்ட சொகுசு தளபாடங்கள் (luxury furniture) மற்றும் வாழ்வியல் வர்த்தக முத்திரையான ‘ஸ்டான்லி லைஃப்ஸ்டைல்ஸ்’ (Stanley Lifestyles), சிங்கர் ஸ்ரீலங்கா பிஎல்சி (Singer Sri Lanka PLC) நிறுவனத்துடனான பிரத்தியேக கூட்டாண்மை மூலம் இலங்கையில் அறிமுகமாகவுள்ளது.
இந்நிறுவனம் தனது முதன்மை சொகுசு காட்சி அறையான (showroom) ‘ஸ்டான்லி புட்டிக் ஹோம்ஸ்’ (Stanley Boutique Homes) என்பதை அறிமுகப்படுத்தவுள்ளது. இது பிரீமியம் ரக தளபாடங்கள் மற்றும் வாழ்வியல் கலைப்பொருட்களின் தேர்ந்தெடுக்கப்பட்ட தொகுப்பைக் காட்சிப்படுத்தவுள்ளது. விதிவிலக்கான கைவினைத்திறன், உயர்தரப் பொருட்கள் மற்றும் காலத்தால் அழியாத வடிவமைப்புகளுக்குப் பெயர் பெற்ற ஸ்டான்லி நிறுவனம், உலகளவில் அங்கீகரிக்கப்பட்ட ஒரு சொகுசு வாழ்வியல் அனுபவத்தை இலங்கைக்குக் கொண்டு வருகிறது.
இந்தக் கூட்டாண்மையானது, ஸ்டான்லி நிறுவனத்தின் சர்வதேச நிபுணத்துவத்தை சிங்கர் நிறுவனத்தின் நம்பகமான சில்லறை விற்பனை வலையமைப்புடன் இணைக்கிறது. இதன் மூலம் உள்ளூர் சந்தையில் பிரீமியம் வாழ்வியல் தீர்வுகளுக்கான அதிகரித்து வரும் தேவையை பூர்த்தி செய்ய உலகத்தரம் வாய்ந்த தளபாடங்கள் மற்றும் மேம்பட்ட சில்லறை விற்பனை அனுபவங்கள் அறிமுகப்படுத்தப்படவுள்ளன.
ஸ்டான்லி லைஃப்ஸ்டைல்ஸ் நிறுவனத்தின் இந்த இலங்கை வருகை குறித்து அதன் நிறுவனரும் தலைவருமான சுனில் சுரேஷ் (Sunil Suresh) கருத்துத் தெரிவிக்கையில்:
“நாங்கள் எங்களது சர்வதேச வளர்ச்சிப் பயணத்தைத் தொடரும் வேளையில், இலங்கை சந்தை ஸ்டான்லி லைஃப்ஸ்டைல்ஸ் நிறுவனத்திற்கு ஒரு உற்சாகமான வாய்ப்பைப் பிரதிபலிக்கிறது. இலங்கை நுகர்வோர் மத்தியில் தரம், கைவினைத்திறன் மற்றும் வடிவமைப்பு சார்ந்த வாழ்வியல் மீதான பாராட்டு அதிகரித்து வருவதை நாங்கள் காண்கிறோம். விதிவிலக்கான பொருட்கள், சிந்தனைமிக்க வடிவமைப்பு மற்றும் மிக நுணுக்கமான கைவினைத்திறன் ஆகியவற்றின் மூலம் மக்களின் வாழ்க்கை முறையை மேம்படுத்தும் தளபாடங்களை உருவாக்குவதே எங்களது எப்போதும் பற்றுள்ள லட்சியமாக இருந்து வருகிறது. சிங்கர் ஸ்ரீலங்கா நிறுவனத்துடனான எங்களது கூட்டாண்மை மூலம், நம்பகத்தன்மை, மேன்மை மற்றும் காலத்தால் அழியாத வடிவமைப்பை மதிக்கும் ஒரு சந்தைக்கு ஸ்டான்லி அனுபவத்தை அறிமுகப்படுத்துவதில் நாங்கள் பெருமகிழ்ச்சி அடைகிறோம்” என்றார்.
இந்தக் கூட்டாண்மை குறித்து சிங்கர் ஸ்ரீலங்கா பிஎல்சி நிறுவனத்தின் குழும மேலாண்மை இயக்குனர் மகேஷ் விஜேவர்தன (Mahesh Wijewardene) பேசுகையில்:
“சிங்கர் நிறுவனத்தில், விதிவிலக்கான தரம் மற்றும் புதுமைகளை வழங்கும் உலகளவில் மதிக்கப்படும் வர்த்தக முத்திரைகளுடன் கைகோர்ப்பதில் நாங்கள் உறுதியுடன் இருக்கிறோம். ஸ்டான்லி லைஃப்ஸ்டைல்ஸ் நிறுவனம் கைவினைத்திறன், பிரீமியம் வடிவமைப்பு மற்றும் உற்பத்திச் சிறப்பு ஆகியவற்றின் சிறந்ததொரு பாரம்பரியத்தைக் கொண்டுவருகிறது. இது எங்களது தயாரிப்புத் தொகுப்பில் (portfolio) இணைவதற்கு மிகவும் பொருத்தமான ஒன்றாகும். அதிநவீன வாழ்விடங்கள் மற்றும் சர்வதேச தரத்திலான சொகுசு தளபாடங்களைத் தேடும் இலங்கை நுகர்வோரின் வளர்ந்து வரும் எதிர்பார்ப்புகளைப் பிரதிபலிக்கும் ஒரு பிராண்டை அறிமுகப்படுத்துவதில் நாங்கள் மகிழ்ச்சியடைகிறோம்” என்று தெரிவித்தார்.
ஸ்டான்லி லைஃப்ஸ்டைல்ஸ் மற்றும் சிங்கர் ஸ்ரீலங்கா ஆகியன இணைந்து, உலகத்தரம் வாய்ந்த வடிவமைப்பு, விதிவிலக்கான கைவினைத்திறன் மற்றும் பிரீமியம் தளபாட அனுபவங்கள் ஆகியவற்றின் மூலம் இலங்கையில் சொகுசு வாழ்வியலுக்குப் புதியதொரு இலக்கணத்தை எழுதவுள்ளன.
