விகாரமகாதேவி பூங்காவில் இடம்பெற்ற ஆர்ப்பாட்டத்தின் போது பலாங்கொட கஸ்ஸப்ப தேரர் தாக்கப்பட்டார் என்பதை மறுத்துள்ள பொலிஸார் ஆர்ப்பாட்டத்தின் போது கால்தடுக்கி கொங்கிறீட் கல் ஒன்றின் மீது அவர் விழுந்தார் என தெரிவித்துள்ளனர்.
பிரீத் ஓதிக்கொண்டிருந்த பௌத்தமதகுருமார் மீது தாக்குதல் இடம்பெற்றதாக வெளியாகும் தகவல்கள் குறித்து விடுத்துள்ள அறிக்கையிலேயே கருவாத்தோட்ட பொலிஸார் இதனை தெரிவித்துள்ளனர்.
அவர்கள் மேலும் குறிப்பிட்டுள்ளதாவது
விகாரமகாதேவி பூங்காவில் தற்காலிக கூடாரத்தை அமைப்பதற்கு பௌத்தமதகுருமார் முயன்றவேளையே பொலிஸார் தலையிட்டனர்.
அவர்களின் நடவடிக்கைகள் சட்டரீதியாக அனுமதிக்கப்பட்டவை அல்ல என பொலிஸார் அவர்களுக்கு தெரிவித்தனர்.
அதன் பின்னர் கஸ்ஸப்ப தேரரும் ஏனையவர்களும் பொலிஸாரை தள்ளிக்கொண்டு முன்னோக்கி நகரமுயன்றனர்.அவ்வேளை தேரர்கால்தடுக்கி கொங்கிறீட் கல் ஒன்றின் மீது அவர் விழுந்தார்.
அதன் பின்னர் அவர் தேசிய வைத்தியசாலைக்கு சிகிச்சைக்காக கொண்டு செல்லப்பட்டார்.
சமூக ஊடகங்களில் தெரிவிக்கப்படுவது போன்று பொலிஸார் அவர் மீது தாக்குதலை மேற்கொள்ளவில்லை.
