சர்ச்சைக்குரிய கிரிஷ் பணபரிவர்த்தனை வழக்கில் நாடாளுமன்ற உறுப்பினர் நாமல் ராஜபக்சவுக்கு கொழும்பு பிரதானநீதவான் நீதிமன்றத்தினால் வழங்கப்பட்ட பிணையை இடைநிறுத்தி கொழும்பு மேல்நீதிமன்றம் இடைக்கால தடைஉத்தரவை பிறப்பித்துள்ளது.
நாமல்ராஜபக்சவின் பெற்றோரின் உடல்நிலையை காரணம்காட்டி அவரை விடுதலை செய்யவேண்டும் என அவரது சட்டத்தரணிகள் விண்ணப்பித்திருந்தனர் . இலஞ்ச ஊழல் ஆணைககுழு இதற்கு கடும் ஆட்சேபனையை வெளியிட்டிருந்தது.
எனினும் நாமல்ராஜபக்சவை பிணையில் விடுதலை செய்யுமாறு கொழும்பு பிரதானநீதவான் நீதிமன்றம் கடந்த 3ம் திகதி உத்தரவிட்டிருந்தது.
இதனை தொடர்ந்து கொழும்பு பிரதானநீதவான் நீதிமன்றத்தின் இந்த பிணை உத்தரவை இரத்துசெய்யக்கோரி இலஞ்ச ஊழல் விசாரணை ஆணைக்குழு கொழும்பு மேல்நீதிமன்றத்தில் சீராய்வு மனுவொன்றை தாக்கல் செய்திருந்தது.
இந்த மனுவை பரிசீலித்த மேல்நீதிமன்ற நீதிபதி நீதவான் நீதிமன்றத்தின் பிணை உத்தரவை இடைநிறுத்தி இடைக்கால தடை உத்தரவை பிறப்பித்துள்ளார்.