730000க்கும் அதிகமான ரோகிங்யா இன மக்கள் அண்டை நாடான பங்களாதேசிற்கு தப்பிச்செல்லவேண்டிய நிலையை ஏற்படுத்திய இரணுவ அடக்குமுறை தொடர்பான தீர்ப்பை நெதர்லாந்தின் ஹேக் நகரில் உள்ள சர்வதேச நீதிமன்றம் வியாழக்கிழமை வழங்கியுள்ளது.
சர்வதேச நீதிமன்ற நீதிபதி யூஜி இவாசவா தனது தீர்ப்பில் தெரிவித்துள்ளதாவது

மியன்மார் படையினர் பத்தாயிரத்திற்கும் மேற்பட்ட ரோகிங்யா இனத்தவர்களை கொலை செய்ததை ஆதாரங்கள் நிரூபித்துள்ளன.
மியன்மார் படையினர் ஆயிரக்கணக்கான ரோகிங்யா இனத்தவர்களை படுகொலை செய்ததுடன் பெண்களை பாலியல் வன்முறைக்கு உள்ளாக்கினார்கள், பங்களாதேசிற்கு தப்பிச்செல்ல முயன்றவர்கள் மீது தாக்குதலை மேற்கொண்டார்கள் என்பதை நீதிமன்றம் கண்டறிந்துள்ளது.
நீதிமன்றம் குறிப்பிட்ட சில சம்பவங்களில் மியன்மார் இனப்படுகொலை நோக்கத்துடனேயே செயற்பட்டது என அவர் தெரிவித்துள்ளார்
ரோஹிங்யாமக்களை அழிக்க மியன்மார் முயற்சித்ததாகக் குற்றம் சாட்டி 2019-ஆம் ஆண்டு மேற்கு ஆப்பிரிக்க நாடான காம்பியா இந்த வழக்கைத் தாக்கல் செய்தது. 1948-ஆம் ஆண்டின் இனப்படுகொலை உடன்படிக்கையை மியன்மார் மீறியுள்ளது எனத் தீர்ப்பளிக்குமாறும் ரோஹிஞ்சாக்களை இலக்கு வைக்கும் சட்டவிரோதச் செயல்களை நிறுத்துமாறு உத்தரவிடுமாறும் இனப்படுகொலைக்குப் பொறுப்பானவர்களைத் தண்டிப்பதை உறுதி செய்யுமாறும் காம்பியா கோரியிருந்தது.