ஜனாதிபதி அனுரகுமாரதிசநாயக்க நாடாளுமன்றத்தில் நேர்மையான வரவுசெலவுதிட்டத்தினை சமர்ப்பிப்பதற்கு பதில் பொய் மூட்டையை சமர்ப்பித்துள்ளார் என ஐக்கிய மக்கள் சக்தியின் தலைவர் சஜித் பிரேமதாச தெரிவித்துள்ளார்.
வரவு செலவுதிட்டம் போலியான வாக்குறுதிகள் மக்களை ஏமாற்றும் அறிக்கைகளை உள்ளடக்கியதாக காணப்பட்டது என அவர் தெரிவித்துள்ளார்.
ஜனாதிபதி சமர்ப்பித்த வரவு செலவு திட்டம் வளமான நாட்டிற்கான திட்டம் இல்லை மாறாக மிகவும் நுட்பமாக திட்டமிடப்பட்ட அரசியல் நாடகம் என அவர் தெரிவித்துள்ளார்.
ஜனாதிபதி வழங்கியுள்ள வாக்குறுதிகள் அவர் முன்வைத்துள்ள கொள்கைகளை தேர்தல் பிரச்சாரத்தின் போது தேசிய மக்கள் சக்தி முன்வைத்த விடயங்களுடன் மக்கள் ஒப்பிடவேண்டும் என வேண்டுகோள் விடுத்துள்ள சஜித்பிரேமதாச அவர்களின் உரைகளிற்கும் வாக்குறுதிகளிற்கும் இடையில் இடைவெளி காணப்படுவதாக தெரிவித்துள்ளார்.
ஜனாதிபதி சாந்தமான தொனியில் சிரித்தபடி வரவுசெலவுதிட்ட உரையை ஆற்றினாலும் இந்த வரவு செலவுதிட்டம் பொய்மூட்டையை தவிர வேறு எதுவுமில்லை என குறிப்பிட்டுள்ள சஜித்பிரேமதாச மக்கள் உதவியற்ற நிலையில் இருக்கும்போது அரசாங்கத்தின் உயிhவாழ்தலை அடிப்படையாக கொண்ட ஏமாற்றுதல் மற்றும் நேர்மையின்மை நிறைந்தது என சஜித்பிரேமதாச தெரிவித்துள்ளார்.
