அமெரிக்க ஜனாதிபதிடொனால்ட் டிரம்பின் உரையைத் திருத்தியதன் மூலம் பனோரமா ஆவணப்படம் பார்வையாளர்களைத் தவறாக வழிநடத்தியதாக எழுந்த விமர்சனங்களைத் தொடர்ந்து பிபிசியின் பணிப்பாளர் நாயகம் டிம் டேவி மற்றும் செய்தித் தலைவர் டெபோரா டர்னஸ் ஆகியோர் ராஜினாமா செய்துள்ளனர்.
ஐந்து வருடங்களாக பிபிசியின் பணிப்பாளர் நாயகமாக பணியாற்றிய டிம் டேவி பக்கச்சார்பு குறித்த பல குற்றச்சாட்டுகளை எதிர்கொண்டிருந்ததுடன் சர்ச்சைகளில் சிக்குண்டிருந்தார்
2021 இல் அமெரிக்காவின் கப்பிட்டல் ஹில்லில் இடம்பெற்ற வன்முறையை வெளிப்படையாக ஊக்குவிக்கும் விதத்தில் அமெரிக்க ஜனாதிபதி உரையாற்றியிருந்தார் என காண்பிக்கும் விதத்தில் அவரது உரையை வேண்டுமென்றே பிபிசியின் பனோரமா நிகழ்ச்சி திருத்தி வெளியிட்டமைக்கானஆதாரங்களை டெலிகிராவ் வெளியிட்டிருந்தது.
பிபிசியின் உள்ளக தகவல்களையே டெலிகிராவ் வெளியிட்டிருந்தது.
பிபிசியின் இரு முக்கிய அதிகாரிகள் பதவியை இராஜினாமா செய்தது மாற்றங்களிற்கு வழிவகுக்கும் என பிரிட்டனின் அரசியல் தலைவர்கள் நம்பிக்கை வெளியிட்டுள்ள அதேவேளை டொனால்ட் டிரம்ப் இதனை வரவேற்றுள்ளார்.
பிபிசியின் வரலாற்றில் பணிப்பாளர் நாயகமும் செய்தி பிரிவின் தலைவரும் ஒரேநேரத்தில் பதவியை இராஜினாமா செய்திருப்பது இதுவே முதல் தடவை.
எல்லா பொதுநிறுவனங்களையும் போல பிபிசி நூறுவீதம் சரியானது இல்லை என தெரிவித்துள்ள டேவி நாங்கள் எப்போதும் வெளிப்படைதன்மையுடனும்,பொறுப்புக்கூறலுடனும் செயற்படவேண்டும் என தெரிவித்துள்ளார்.
இந்த குற்றச்சாட்டு மாத்திரமே எனது பதவி விலகலிற்கு காரணமில்லை பிபிசி நியுஸ் குறித்த தற்போதைய சர்ச்சைகளும் எனது முடிவிற்கு காரணம் என அவர் தெரிவித்துள்ளார்
ஓட்டுமொத்தத்தில் பிபிசி சிறப்பாக செயற்படுகின்றது ஆனால் சில தவறுகள் இடம்பெற்றுள்ளன பணிப்பாளர் நாயகம் என்ற அடிப்படையில் நான் அதற்கு பொறுப்பேற்க வேண்டும் என தெரிவித்துள்ளார்.
2021இல் வோசிங்டனில் ஆற்றிய உரையில் டொனால்ட் டிரம்ப் நாங்கள் கப்பிட்டலை நோக்கி நடந்துசெல்லப்போகின்றோம், நாங்கள் எங்கள் துணிச்சலான செனெட்டர்கள் காங்கிரஸ் உறுப்பினர்களை பாராட்டப்போகின்றோம் ஊக்குவிக்கப்போகின்றோம் என தெரிவித்திருந்தார்.
ஆனால் பனராமாவில் நாங்கள் கப்பிட்டலை நோக்கி நடக்கப்போகின்றோம்,நான் உங்களுடன் இருப்பேன் நாங்கள் போராடுவோம் நரகத்தை போல போராடுவோம் என டிரம்ப் தெரிவிப்பது போல அவரது உரை மாற்றப்பட்டிருந்தது.
