வெளிநாட்டு பெண் சுற்றுலாப்பயணியை பாலியல் ரீதியில் துன்புறுத்திய நபர் திருக்கோவில் பகுதியில் வைத்து கைதுசெய்யப்பட்டுள்ளார்
வெளிநாட்டு பெண்சுற்றுலாப்பயணியிடம் ஆபாசமான முறையில் இவர் நடந்துகொள்வதை காண்பிக்கும் வீடியோ வைரலானதை தொடர்ந்து இவர் கைதுசெய்யப்பட்டுள்ளார்.
இலங்கைக்கு சுற்றுலாப்பயணியாக வந்த நியுசிலாந்து பிரஜை முறைப்பாடு செய்ததை தொடர்ந்து இவர் கைதுசெய்யப்பட்டுள்ளார்.
வெளிநாட்டு பெண்சுற்றுலாப்பயணி அறுகம்குடாவிலிருந்து பாசிக்குடாவை நோக்கி சென்றுகொண்டிருந்தவேளை இந்த சம்பவம் இடம்பெற்றுள்ளது.
கைதுசெய்யப்பட்டவர் களுவாஞ்சிக்குடியை சேர்ந்தவர் என பொலிஸார் தெரிவித்துள்ளனர்.
இலங்கையில் பெண்சுற்றுலாப்பயணியொருவர் நபர் ஒருவர் பாலியல் ரீதியிலான துன்புறுத்தலிற்கு உள்ளாவதை காண்பிக்கும் வீடியோ சமூக ஊடகங்களில் வெளியாகியுள்ளது.
முச்சக்கரவண்டியை செலுத்தி செல்லும் பெண் சுற்றுலாப்பயணி முச்சக்கரவண்டியை நிறுத்தியவேளை நபர் ஒருவரை எதிர்கொள்வதையும் அவ்வேளை அந்த நபர் அநாகரீகமான விதத்தில் நடந்துகொள்வதையும் வீடியோ காண்பித்துள்ளது.
பெண் சுற்றுலாப்பயணி இது குறித்து அதிர்ச்சியும் அச்சமும் வெளியிடுகின்றார்.
இலங்கை அன்பான மக்கள் காணப்படும் அழகான நாடுஇஆனால் திடீர் என இது நடந்துள்ளதுஇ இனி இலங்கையில் இருக்கும் எஞ்சிய நாட்கள் முழுவதும் நான் ஒருவித எச்சரிக்கை உணர்வுடன் அச்சத்துடன் இருக்கப்போகின்றேன் என தெரிவித்துள்ளார்.
