இலங்கைக்கு விஜயம் மேற்கொள்ளுமாறு நான் எப்போதும் பரிந்துரைப்பேன் என சமீபத்தில் இலங்கையில் பாலியல் தொந்தரவிற்குள்ளான நியுசிலாந்து பெண் தெரிவித்துள்ளார்.
எனக்கு ஏற்பட்ட சம்பவம் இலங்கையின் பாதுகாப்பு நிலைமைய அல்லது மக்களின் குணாதிசயத்தை பிரதிபலிக்கவில்லை என தெரிவித்துள்ள அவர் உடடின நடவடிக்கையை எடு;த்தமைக்காக இலங்கையின் சட்ட அமுலாக்கல் அதிகாரிகளை பாராட்டியுள்ளார்.
இலங்கைக்கு தனியாக விஜயம் மேற்கொண்டிருந்த அந்த பெண் இலங்கையில் தங்கியிருந்த நாட்களில் உள்ளுர் மக்களிடமிருந்து சிறந்த அன்பும் ஆதரவும் கிடைத்தது என தெரிவித்துள்ளதுடன் இலங்கை சுற்றுலாவிற்கு அற்புதமான நாடு என குறிப்பிட்டுள்ளார்.
தனியாக வெளிநாடுகளிற்கு சுற்றுலாவிற்கு செல்லவிரும்பும் பெண்களிற்கு தொடர்ந்தும் இலங்கையை நான் பரிந்துரை செய்வேன் என தெரிவித்துள்ள அவர் ஒரு தனிநபரின் செயற்பாட்டை அடிப்படையாக வைத்து ஒரு நாட்டை பற்றி தீர்மானிக்க முடியாது என தெரிவி;த்துள்ளார்.
ஒரு சம்பவம் ஒரு நாடு எப்படிப்பட்டது என்பதை தீர்மானிக்க முடியாது தனித்து பெண் ஒருவர்தனியாக வெளிநாட்டிற்கு சுற்றுலா செய்வதையும் தீர்மானிக்க முடியாது என தெரிவித்துள்ள அவர் தனக்கு ஏற்பட்ட அனுபவம் பெண் சுற்றுலாப்பயணிகளின் பாதுகாப்பு குறித்து கவனத்தை ஈர்த்துள்ளது குறித்து மகிழ்ச்சியடைவதாகக தெரிவித்துள்ளார்.
