இந்தியா இலங்கைக்கு இடையிலான ஆழமான வரலாற்று கலாச்சார உறவுகளே சுற்றுலாத்துறையை விஸ்தரிப்பதற்கான அடித்தளம் என இலங்கைக்கான இந்திய தூதுவர் சந்தோஸ் ஜா தெரிவித்துள்ளார்
கொழும்பில் இடம்பெற்ற நிகழ்வொன்றில் இதனை குறிப்பிட்டுள்ள அவர் புத்தரின் காலடிகள் முதல் இராமாயனத்தின் எதிரொலி முதல் எங்கள் வரலாறு போக்குவரத்து மற்றும் கண்டுபிடிப்புகளுக்கு உத்வேகம் அளிக்கும் விதத்தில் பின்னிப்பிணைந்துள்ளது என தெரிவித்துள்ளார்.
சுற்றுலாத்துறை பொருளாதாரம் தொடர்புபட்டதாகவும் நட்புறவை கட்டியெழுப்புவதாகவும் உள்ளது என தெரிவித்துள்ள அவர் இந்தியா இலங்கை உட்பட 167 நாடுகளிற்கு தனது ஈவிசா திட்டத்தை மேலும் தளர்த்தியுள்ளது என குறிப்பிட்டுள்ளார்.
யுபி ஒருங்கிணைப்பு,செயற்கை நுண்ணறிவு தொழில்நுட்பம்,போன்றவை போக்குவரத்து அனுபவங்களை மாற்றிவருகின்றன என இந்திய தூதுவர் தெரிவித்துள்ளார்.
இந்திய பயணிகளின் குறுகிய கால விஜயத்திற்கான நாடாக இலங்கை காணப்படுகின்றது, 2025 இல் ஒக்டோபர் நான்கு இலட்சத்திற்கும் அதிகமான சுற்றுலாப்பயணிகள் வருகை தந்துள்ளனர் என தெரிவித்துள்ள அவர் இணைப்பும் அதிகரித்துள்ளது வாரந்தம் 150 விமான பயணங்கள் இந்தியாவை கொழும்புடனும் யாழ்ப்பாணத்துடனும் இணைக்கின்றன காங்கேசன்துறை நாகப்பட்டினம் படகு பயணமும் ஆரம்பமாகியுள்ளது என தெரிவித்துள்ளார்.
