கொழும்பு விமானநிலையத்தில் ஜப்பானின் நிதியுதவியுடன் புதிய முனையத்தை நிர்மாணிக்கும் நடவடிக்கைகள் 2026ம் ஆண்டு ஆரம்பிக்கப்படலாம் என எதிர்பார்ப்பதாக துறைமுக சிவில் விமானப்போக்குவரத்து அமைச்சர் அருண கருணாதிலக தெரிவித்துள்ளார்
அவர் மேலும் தெரிவித்துள்ளதாவது-
இலங்கையின் கட்டுநாயக்க விமான நிலையம் தற்போது அதன் கொள்ளளவுக்கு அதிகமாக இயங்கி வருகிறது. இலங்கை தனது கடன்களை உரிய காலத்தில் செலுத்த தவறியதாலும் பல காரணங்களால் இரண்டாவது முனையத்தின் கட்டுமானப் பணி தாமதமானது.
ஒப்பந்ததாரர்களின் தொழில்நுட்ப மதிப்பீடு இப்போது நிறைவடைந்துவிட்டது “நாங்கள் ஜனவரி மாதத்திற்குள் விலைப்புள்ளிகளைத் திறக்க முடியும் என்று நினைக்கிறோம்” “எனவே ஜூன் – ஜூலை 2026-க்குள் ஒப்பந்தத்தை வழங்கி கட்டுமானத்தைத் தொடங்க நாங்கள் நம்புகிறோம்.”
இலங்கை தனது கடன்களை உரிய காலத்தில் செலுத்த தவறியபோது ஜப்பான் சர்வதேச ஒத்துழைப்பு நிறுவனம் அதன் விதிகளின் கீழ் கடனை நிறுத்துவதற்கு நிர்ப்பந்திக்கப்பட்டதால் முந்தைய ஒப்பந்ததாரர் துணை அமைப்பைக் கட்டிய பிறகு பணியை நிறுத்தினார். இருப்பினும் விமான நிலையத்திற்குச் சொந்தமாகக் கடனைச் செலுத்தும் திறன் உள்ளது.
முனையம் அமைக்கும் பணியில் ஏற்பட்ட தாமதம் காரணமாக விமான நிலையம் இப்போது கடுமையான நெரிசலை எதிர்கொள்கிறது.”ஒரு தற்காலிக நடவடிக்கையாக தனியார் துறையின் ஆதரவுடன் 14 சோதனை நுழைவாயில்களை ( திறந்தோம்”
“இதன் விளைவாக நாங்கள் ஒரு நாளைக்கு சுமார் 10 முதல் 20 கூடுதல் விமானங்களுக்கு இடமளிக்க முடியும்.”
