பொருளாதார டிஜிட்டல் ர்பிரதியமைச்ச எரங்க வீரரட்ணவுடன் தொடர்புடைய நிறுவனங்களிற்கு ஒப்பந்தங்கள் வழங்கப்படுவதாக எதிர்கட்சி நாடாளுமன்றத்தில் குற்றம்சாட்டியுள்ளது.
ஒமாபையோ எனப்படும் நிறுவனத்திலும் எய்ஸ்கி பிசினஸ் சொலுசன்ஸ் என்ற நிறுவனத்திலும் பிரதியமைச்சர் எரங்க வீரரட்ணவிற்கு பங்குகள் உள்ளன அவர் முன்னர் இந்த நிறுவனங்களின் தலைவராக பணியாற்றியிருந்தார் என தெரிவித்துள்ள ஐக்கிய மக்கள் சக்தியின் நாடாளுமன்ற உறுப்பினர் பிரசாத்சிறிவர்த்தன இந்த நிறுவனத்திற்கு தேசிய போக்குவரத்து டிஜிட்டல் திட்டத்தில் ஒப்பந்தம் வழங்கப்பட்டுள்ளது என தெரிவித்துள்ளார்.
இதற்கு பதிலளித்துள்ள பிரதியமைச்சர் தனக்கு இந்த நிறுவனங்களில் பங்குள்ளது எனவும் இந்த நிறுவனங்களின் தலைவராகவோ பிரதமநிறைவேற்று அதிகாரியாகவோ தான் பணிபுரியவில்லை எனவும் தெரிவித்துள்ளார்.
குறிப்பிட்ட ஒப்பந்தங்கள் எங்கள் அரசாங்கம் பொறுப்பேதற்கு முன்னர் வழங்கப்பட்டவை நான் எனது பங்குகள் உள்ள நிறுவனங்களிற்கு எந்த ஒப்பந்தங்களையும் வழங்கவேண்டாம் என தெரிவித்துள்ளேன் என அவர் குறிப்பிட்டுள்ளார்.
