வளிமண்டலவியல் திணைக்களம் மற்றும் நீர்ப்பாசனத் திணைக்களம் ஆகியவை சாத்தியமான அனர்த்தம் குறித்து முன்கூட்டியே எச்சரித்தபோதிலும் மோசமான வானிலையால் ஏற்பட்ட பேரழிவைக் குறைக்க அரசாங்கம் முன்னெச்சரிக்கை நடவடிக்கைகளை எடுக்கவில்லை என்று எதிர்க்கட்சி இன்று நாடாளுமன்றத்தில் குற்றம் சாட்டியுள்ளது.
சஐக்கிய மக்கள் சக்தியின் நாடாளுமன்ற உறுப்பினர் கபீர் ஹாஷிம் நாடாளுமன்றத்தில் பேசுகையில்இ அரசாங்கம் சரியான நேரத்தில் நடவடிக்கை எடுத்திருந்தால்இ ஒரு பெரிய பேரழிவைத் தவிர்த்திருக்க முடியும் என்று கூறினார்.
வளிமண்டலவியல் திணைக்களம் மற்றும் நீர்ப்பாசனத் திணைக்களம் ஆகியவை நவம்பர் 12 அன்றே நாட்டில் ஏற்படக்கூடிய கடுமையான வானிலை நிலைமைகள் குறித்து எச்சரிக்கை விடுத்திருந்தன என்று அவர் கூறினார்.
ஒரே நேரத்தில் நீரை வெளியேற்றிப் பெரும் வெள்ளத்தை ஏற்படுத்தாமல்இநீர்த்தேக்கங்களில் உள்ள நீரை அரசாங்கம் படிப்படியாக வெளியேற்றி இருக்கலாம் என்று அவர் தெரிவித்தார்.
“கடைசி நிமிடத்தில் திடீரென மதகுகளைத் திறக்கக் காத்திருக்காமல் படிப்படியாக நீரை வெளியேற்றுவதுதான் சாதாரண வழக்கம்” என்று அவர் கூறினார்.
வானிலை முன்னறிவிப்புகளின் அடிப்படையில் நீர்த்தேக்கங்களில் உள்ள நீரை அரசாங்கம் படிப்படியாக வெளியேற்ற நடவடிக்கை எடுத்திருந்தால் உயிரிழப்புகளில் 70 சதவீதத்தைத் தடுத்திருக்க முடியும் என்று அந்த நாடாளுமன்ற உறுப்பினர் கூறினார்.
