telegraph.

அமெரிக்காவின் விசேட நடவடிக்கைகளிற்கானபடைப்பிரிவு சீனாவிலிருந்து ஈரானுக்குச் சென்று கொண்டிருந்த இராணுவ உபகரணங்கள் கொண்டகப்பலை கைப்பற்றியுள்ளது.

இந்த நடவடிக்கை ஈரான் ஏவுகணைகளின் எண்ணிக்கையை மீண்டும்  அதிகரிப்பதைதடுக்கும் நோக்குடன் மேற்கொள்ளப்பட்டது. ஜூன் மாதம் இஸ்ரேலுடன் நடந்த 12 நாள் போரின்போது ஈரானின் ஆயுதக் களஞ்சியம் பெருமளவில் குறைக்கப்பட்டதாக தி  வோல் ஸ்ட்ரீட் ஜர்னல் தெரிவித்துள்ளது.

அந்தக் கப்பல் இலங்கையின் கடற்கரையில் இருந்தபோது அமெரிக்க சிறப்பு நடவடிக்கைக் குழுவால் கைப்பற்றப்பட்டது. . .கைப்பற்றப்பட்ட பொருட்கள் இரட்டை பயன்பாட்டு தன்மைஉடையவை மரபுவழி ஆயுதங்களிற்கு அதனை பயன்படுத்தலாம் என அதிகாரியொருவர் தெரிவித்தார்

பாதுகாப்பு ஜனநாயகங்களுக்கான அறக்கட்டளையின் இயக்குனர் பெஹ்னம் பென் தலேப்லுவின் கூற்றுப்படி சீன நிறுவனங்கள் பெரும்பாலும் நிறமாலைமானிகள் மற்றும் சுழல்மானிகள் போன்ற அளவீட்டு சாதனங்களை ஈரானிய ஏவுகணைகளின் துல்லியத்தை மேம்படுத்த வழங்குகின்றன.

“இது இரசாயன முன்னோடிகளை விட மிகவும் ஆபத்தானது” என்று அவர் மேலும் கூறினார்.

இந்தக் கப்பலில் காணப்பட்ட பொருட்கள் ஈரானின் ஏவுகணை திட்டத்திற்கான பாகங்களைப் பெறுவதில் நிபுணத்துவம் வாய்ந்த ஈரானிய நிறுவனங்களுக்காக அனுப்பப்பட்டது என அமெரிக்காவால் திரட்டப்பட்ட உளவுத் தகவல் தெரிவிக்கிறது.

டொனால்ட் டிரம்பின் நிர்வாகம் அதிக அளவில் தலையிடும் கடல்சார் மூலோபாயத்தைபின்பற்ற தொடங்கியுள்ளது . இந்த நடவடிக்கை நடந்த சில வாரங்களுக்குப் பிறகு அமெரிக்கா புதன்கிழமை அன்று வெனிசுலா அருகே ஈரானுக்கு எண்ணெய் கொண்டு செல்லப் பயன்படுத்தப்பட்ட தடைசெய்யப்பட்ட ஒரு எண்ணெய்க் கப்பலைக் கைப்பற்றியது.

ஈரான் தனது சேதமடைந்த ஏவுகணை ஆயுதக் களஞ்சியத்தை மீண்டும் கட்டியெழுப்ப முயற்சிக்கிறது ஏனெனில் ஜூன் மாதம் நடந்த 12 நாள் போரின்போது சுமார் 500 ஏவுகணைகளைக் கொண்டு இஸ்ரேலைத் தாக்கியது. மேலும் சுமார் 1000 ஏவுகணைகள் இஸ்ரேலிய தாக்குதல்களில் அழிக்கப்பட்டதாக மதிப்பிடப்பட்டுள்ளது.

அணு ஆயுதங்களைச் சுமந்து செல்லக்கூடிய பாலிஸ்டிக் ஏவுகணைகள் தொடர்பான யுரேனியம் செறிவூட்டல் மற்றும் செயல்பாடுகள் மற்றும் ஈரான் மீதான ஆயுதத் தடை ஆகியவற்றை ஐ.நா. விதித்துள்ளது.

ஜனவரி 2024 இல் அமெரிக்க மத்திய கட்டளைஈரானில் தயாரிக்கப்பட்டு ஹூத்தி கிளர்ச்சியாளர்களுக்காக அனுப்பப்பட்ட ஏவுகணைக்கான உபகரணங்கள் அடங்கிய கப்பலைசோமாலிய கடற்கரையில் கைப்பற்றியது.

readmore-    https://www.tamiljobmarket.com/4960—–

வெனிசுலா எண்ணெய் கப்பலைக் கைப்பற்றிய அமெரிக்கா: ‘சர்வதேச கடல் கொள்ளை’ என்று குற்றச்சாட்டு-நடந்தது என்ன? பிபிசி