அனுமதி வழங்கப்படாத பகுதிகளில் வீடுகளை அமைத்து வாழ்ந்து சமீபத்தைய இயற்கை அனர்த்தத்தால் பாதிக்கப்பட்டவர்களுக்கு நிவாரணநடவடிக்கைகளில் பாரபட்சம் காட்டப்படாது ஏனையவர்களுக்கு வழங்கும் நிவாரணங்களை அவர்களுக்கும் வழங்குவோம் என வீடமைப்பு விவகாரங்களுக்கான பிரதியமைச்சர் டிபிசரத் தெரிவித்துள்ளார்.
அவர்களின் வீடுகளின் சட்டதகுதியை அடிப்படையாக வைத்து நிவாரண விடயங்களில் அவர்களை நாங்கள் கையாளப்போவதில்லை என தெரிவித்துள்ள அமைச்சர் இயற்கை அனர்த்தத்தினால் பாதிக்கப்பட்டவர்களுக்கு வழங்கப்படும் உதவிகள் அவர்களுக்கும் வழங்கப்படும் என தெரிவி;த்துள்ளார்.
வெள்ளம் மற்றும் மண்சரிவால் பாதிக்கப்பட்டவர்களுக்கு நிவாரணங்களை வழங்குவது குறித்தே கவனம் செலுத்திவருவதாக தெரிவித்துள்ள அவர் அதன் பின்னர் படிப்படியாக சட்டவிரோத கட்டுமானங்கள் குறித்த விவகாரத்தை கையாள நடவடிக்கை எடுக்கப்படும் என தெரிவித்துள்ளார்.
நாங்கள் அவர்களை வேறுவிதமாக நடத்தவேண்டும் என நினைக்கவில்லை,அவர்களுக்கும் நிவாரணம் வழங்கப்படும் வெள்ளம் மண்சரிவால் பாதிக்கப்பட்டவர்களுக்கு நிவாரணங்களை வழங்கிய பின்னர் சட்டவிரோத கட்டுமானங்களை அமைத்து வாழ்ந்தவர்களை பாதுகாப்பான இடங்களுக்கு இடம்மாற்றுவதற்கான நடவடிக்கைகளை எடுப்போம் என தெரிவித்துள்ளார்.
