அவுஸ்திரேலியாவின் பொன்டிகடற்கரையில் துப்பாக்கி பிரயோகத்தில் ஈடுபட்டவர்களில் ஒருவரை மடக்கிபிடித்த அஹமட் அல் அஹமட்டின் வர்த்தக நிலையத்திற்கு வெளியே பொதுமக்கள் அவருக்கு நன்றி தெரிவிக்கும் செய்திகளையும் மலர்களையும் வைத்துவிட்டு செல்கின்றனர்.
பலரின் உயிரை காப்பாற்றிய அந்த நபர் குறித்த தகவல்கள் வெளியானதை தொடர்ந்து அவரை பற்றிய ஆர்வம் அவுஸ்திரேலியாவில் அதிகரித்துள்ளது.
சதர்லாண்டில் உள்ள புகையிரத நிலையத்திற்கு அருகில் உள்ள அவரது கடையின்; முன்பகுதி ஒரு நினைவுசின்னம் போல காணப்படுகின்றது
அங்கு காணப்பட்ட பெண் ஒருவர் அது அஹமட்டின் கடை எனவும் அவரது செயல் தங்களின் மனதை தொட்டுள்ளதாகவும் தெரிவித்துள்ளார்.
அவர் மிகச்சிறந்த மனிதர் அவர் எங்களுக்கு ஏதாவது தேவை என்றால் எப்போதும் உதவுவார் என தெரிவித்துள்ளார்.
அவரின் வர்த்தக நிலையத்திற்கு முன்னால் நன்றி,நாங்கள் உங்களை நேசிக்கின்றோம் நீங்கள் தான் அவுஸ்திரேலியாவின் உண்மையான ஹீரோ போன்ற செய்திகளுடன் பொதுமக்கள் பூக்களை வைத்துவிட்டு செல்கின்றனர்.
நாங்கள் உங்களை நினைத்து பெருமைப்படுகின்றோம் -சதர்லாண்ட் மக்கள் என்ற செய்தியும் காணப்படுகின்றது.
மக்கள் அவரின் கடைக்கு முன்னால் படம் எடுத்துகொள்கின்றனர்- அவரது வீரத்தை பற்றி பேசிக்கொள்கின்றனர்.
