இலங்கையின் துணிச்சலான மீட்பு திட்டம் – நிதி குறித்த கவலைகள்.

2004 சுனாமிக்குப் பிந்தைய உள்கட்டமைப்பு மேம்பாட்டுத் தோல்விகள், டிட்வா சூறாவளியின் பின்னணியிலும் எதிரொலிக்கக்கூடும் எனச் சிலர் அஞ்சுகின்றனர்

https://asia.nikkei.com/

MUNZA MUSHTAQ

கொழும்பு — இம்மாத தொடக்கத்தில் வீசிய ‘டிட்வா’  வெப்பமண்டலச் சூறாவளியால் ஏற்பட்ட வெள்ளநீர் இறுதியாக வடியத் தொடங்கியுள்ள நிலையில் 43 வயதான விற்பனையாளர் ஹசன் மொகிதீன் தனது வீட்டில் தங்கியுள்ள அடர்த்தியான சேறு மற்றும் சிதைவுகளுக்கு மத்தியில் நின்றபடி தனது பழைய வாழ்க்கையில் எஞ்சியிருப்பவற்றை ஆய்வு செய்கிறார். ஆறு பேர் கொண்ட குடும்பத்தின் ஒரே வருமான ஈட்டுநரான அவர் கடந்த 20 ஆண்டுகளில் நாட்டின் மிக மோசமான இயற்கை பேரிடரில் மிக அதிகமானவற்றை இழந்துள்ளார்.

மின்சாதனங்கள் முதல் அவரது மகன்களின் பள்ளிப் புத்தகங்கள் வரை எவையும் மொகிதீனின் வீட்டில் மிஞ்சவில்லை. கொழும்பின் புறநகர்ப் பகுதியான வெல்லம்பிட்டியவைப் போலவே கொலன்னாவையிலுள்ள அவரது வீடும் நீரில் மூழ்கியது. “நாங்கள் வைத்திருந்த குளிர்சாதனப் பெட்டி பல ஆண்டுகளுக்கு முன்பு ஒரு உறவினரிடமிருந்து வாங்கப்பட்ட பழையதுஇ” என்று மொகிதீன் நிக்கேய் ஏசியாவிடம்  தெரிவித்தார். “அது பழையது என்பதாலும்இ பல நாட்களாக நீரில் கிடந்ததாலும் அதை சரிசெய்வது கடினம் என்று மின்சார நிபுணர் கூறிவிட்டார். என்னால் புதிய ஒன்றை வாங்க முடியாது ஏனெனில் முதலில் நான் வீட்டைச் சரிசெய்து எனது பிள்ளைகள் விரைவில் பள்ளிக்குத் திரும்ப தேவையான அத்தியாவசியப் பொருட்களை வாங்க வேண்டும்.”

இருப்பினும் மொகிதீன் தன்னை அதிர்ஷ்டசாலிகளில் ஒருவராகக் கருதலாம். இங்கிருந்து சுமார் 160 கிலோமீட்டர் தொலைவில் பசுமையான தேயிலைத் தோட்டங்களுக்குப் புகழ்பெற்ற கண்டி பதுளை மற்றும் நுவரெலியா போன்ற மலையகப் பகுதிகளில் உள்ள குடும்பங்கள் மிக மோசமான நிலையை எதிர்கொண்டன. சூறாவளியால் குறைந்தது 643 பேர் உயிரிழந்துள்ளனர் மேலும் 183 பேர் இன்னும் காணாமல் போயுள்ளனர். வெளிநாட்டு அரசாங்கங்களின் உதவியுடன் மீட்புக் குழுக்கள் மூன்று வாரங்களுக்குப் பிறகும் இடிபாடுகளுக்குள் தேடுதல் நடத்தி வருகின்றனர்.

டிட்வா சூறாவளி ஏற்படுத்திய அழிவு இலங்கைக்கு இரட்டைச் சவாலை அளித்துள்ளது: சிதைந்த உயிர்களை மீண்டும் கட்டியெழுப்புவதுடன் பல தசாப்தங்களில் மிக மோசமான பொருளாதார நெருக்கடியிலிருந்து நாடு இன்னும் மீண்டு வர போராடும் நிலையில்இ காலநிலை மாற்றத்தால் ஏற்படும் பேரிடர்களுக்கு எதிராக நாட்டின் வலுவற்ற நிலையை எதிர்கொள்வது. ஆரம்பகட்ட அரசாங்க மதிப்பீடுகளின்படி டிட்வாவினால் ஏற்பட்ட பொருளாதார இழப்புகள் ஏழு பில்லியன் டொலர்களை எட்டக்கூடும் இது நாட்டின் மொத்த உள்நாட்டு உற்பத்தியில் 7 சதவீதத்திற்குச் சமமாகும். இது 2004 இந்தியப் பெருங்கடல் சுனாமியை விட அதிகச் செலவுமிக்கதாக அமையும்.

ஜனாதிபதி அனுரகுமாரதிசநாயக்கவின்இடதுசாரி அரசாங்கம் அதிக ஆபத்துள்ள பகுதிகளில் வசிக்கும் குடும்பங்களுக்கு ஒரு லட்சிய மீள்குடியேற்றத் திட்டம் மற்றும் பாதிக்கப்பட்ட ஒவ்வொரு குடும்பத்திற்கும் மில்லியன் கணக்கான ரூபாய் நஷ்டஈடு வழங்குவதாக உறுதியளித்துள்ளது. இருப்பினும் சேதத்தின் அளவு தெளிவாகத் தெரியத் தொடங்கியுள்ள நிலையில் சர்வதேச நாணய நிதியத்தின் (பிணை எடுப்புத் திட்டத்தின் கடுமையான நிபந்தனைகளை அரசாங்கம் கடைப்பிடிப்பதால்இஇந்த உறுதிமொழிகளை நிறைவேற்றுவதில் பெரும் நடைமுறைத் தடைகள் இருப்பதாகப் பலரும் கருதுகின்றனர்.

ஹொங்கொங்கை தளமாகக் கொண்ட   AFC Asia Frontier Fund,இணை மேலாளர் ருசிர் தேசாய் டிசம்பர் முதல் வாரத்தில் கொழும்புக்கு விஜயம் செய்த பின்னர் நம்பிக்கையுடன் உள்ளார். “வெள்ளத்தின் முழுப் பாதிப்பை மதிப்பிடுவது இன்னும் ஆரம்ப நிலையிலேயே இருந்தாலும்… இந்த நிகழ்வு குறுகிய காலத்திற்கு வருமானம் மற்றும் பொருளாதார வளர்ச்சியில் எதிர்மறையான தாக்கத்தை ஏற்படுத்தும் ஆனால் அதையும் தாண்டி இலங்கை தனது பொருளாதார வேகத்தை மீண்டும் பெறும்” என்று அவர் வாடிக்கையாளர்களுக்கு எழுதிய குறிப்பில் குறிப்பிட்டுள்ளார். “மறுசீரமைப்பு மற்றும் மீளக்கட்டியெழுப்பும் நடவடிக்கைகளில் அரசாங்கம் கவனம் செலுத்துவதால் 2026-இல் மொத்த உள்நாட்டு உற்பத்தி வளர்ச்சி வலுவாக இருந்தால் நாம் ஆச்சரியப்படத் தேவையில்லை.”

.

பொருளாதாரத் தாக்கங்கள் எதுவாக இருந்தாலும் களத்தில் உள்ள சவால்கள் மிகப்பெரியவை. டிசம்பர் பாதியளவில் சுமார் 23 மில்லியன் மக்கள் வாழும் நாட்டில் 1.6 மில்லியனுக்கும் அதிகமானோர் இந்த பேரிடரால் பாதிக்கப்பட்டுள்ளனர். தேசிய பேரிடர் மேலாண்மை நிலையத்தின்படி 6200 வீடுகள் முழுமையாகவும் கிட்டத்தட்ட 100இ000 வீடுகள் சேதமடைந்தும் உள்ளன. பொருத்தமான நிலத்தைக் கண்டறிதல் கட்டுமான உபகரணங்களை உறுதி செய்தல் மற்றும் இடம்பெயர்ந்த குடும்பங்களின் வாழ்வாதாரத்தை உறுதி செய்தல் ஆகியவை அரசின் நிர்வாகத் திறனைச் சோதிக்கும்.

“உண்மையான பிரச்சினை நிதி வசதி மட்டுமல்ல என்று கொழும்பைச் சேர்ந்த பொருளாதார நிபுணர் தாலால் ரபி தெரிவித்தார். “அமலாக்கமே பெரிய சவாலாக இருக்கும். அரசாங்கத்தின் கீழ் மட்டங்களில் செயல்படுத்துவதில் இலங்கை சிறந்ததாக இல்லை. கொள்கைகள் காகிதத்தில் ஈர்க்கக்கூடியதாக இருக்கலாம் ஆனால் விநியோகத்தில்தான் விஷயங்கள் பெரும்பாலும் தோல்வியடைகின்றன.”

சுற்றுச்சூழல் ஆர்வலர்கள் மீள்குடியேற்றம் அவசியம் என்று ஒப்புக்கொண்டாலும் அது வரைபடத்தில் மக்களை இடமாற்றம் செய்வதை விட மிகவும் சிக்கலானது என்று எச்சரிக்கின்றனர். “மக்கள் தலைமுறை தலைமுறையாக இந்த பகுதிகளில் வாழ்ந்து வருகின்றனர்” என்று சுற்றுச்சூழல் நீதிக்கான மையத்தின் தலைவர் ஹேமந்த விதானகே கூறினார். “கட்டாய இடமாற்றம் எதிர்ப்பை எதிர்கொள்ளும்.”

விதானகே மேலும் கூறுகையில் தேசிய கட்டிட ஆராய்ச்சி அமைப்பின் மதிப்பீட்டின்படி மலையக நிலத்தில் சுமார் 30 வீதம்நிலச்சரிவு ஏற்படக்கூடிய அபாயத்தில் உள்ளது. இதற்கு பொறியியல் தீர்வுகளைக் காண பில்லியன் கணக்கான பணம் தேவைப்படும் அது இலங்கையிடம் இல்லை.

பெருந்தோட்ட மற்றும் சமூக உள்கட்டமைப்பு பிரதி அமைச்சர் சுந்தரலிங்கம் பிரதீப் கூறுகையில் பாதிக்கப்பட்ட குடும்பங்களை அவர்கள் தற்போது வசிக்கும் மாவட்டங்களிலேயே மீள்குடியேற்ற அரசாங்கம் இலக்கு வைத்துள்ளதாகத் தெரிவித்தார். “அதன் அடிப்படையில் பாதுகாப்பான இடங்களை நாங்கள் கண்டறிவோம்” என்று அவர் கூறினார்.

தற்போதைக்கு அவசர நிவாரணம் மற்றும் இடிபாடுகளை அகற்றுவதில் கவனம் செலுத்தப்படுகிறது. வீடுகளை முழுமையாக இழந்த குடும்பங்களுக்கு நிரந்தர வீடுகள் கட்டப்படும் வரை தற்காலிகமாக வாடகைக்கு இருக்க மாதம் 25000 ரூபாய்வீதம் மூன்று மாதங்களுக்கு வழங்கப்படும். இருப்பினும் தொழில்நுட்ப மதிப்பீடுகள் முடியும் வரை எத்தனை குடும்பங்களுக்கு மீள்குடியேற்றம் தேவை என்பதைத் தீர்மானிக்க முடியாது என்று பிரதீப் ஒப்புக்கொண்டார்.

பலருக்குஇந்தத் தருணம் 2004 சுனாமியை நினைவுபடுத்துகிறது. அறிவியல் எழுத்தாளர் நாளக்க குணவர்தன கூறுகையில் “எனக்கு இது ஒரு பழைய சம்பவத்தின் மீள்நிகழ்வாகத் தோன்றுகிறது” என்றார். சுனாமிக்குப் பிறகு கடற்கரைக்கு அருகில் கட்டுமானங்களைத் தவிர்க்க கடுமையான விதிகள் விதிக்கப்பட்டன ஆனால் அவை ஒருபோதும் முழுமையாக நடைமுறைப்படுத்தப்படவில்லை. சில மாதங்களிலேயே வீடுகளும் வணிகக் கட்டிடங்களும் மீண்டும் கட்டப்பட்டன.

எதிர்க்கட்சி நாடாளுமன்ற உறுப்பினர் ஹர்ஷ டி சில்வா சுனாமிக்குப் பிறகு செய்த தவறுகளை இலங்கை மீண்டும் செய்யும் அபாயம் குறித்து கவலை தெரிவித்தார். “அந்த நேரத்தில் முறையான சட்டக் கட்டமைப்பு இன்றி பெரும் தொகை செலவிடப்பட்டதுஇ இது ஊழலுக்கு வழிவகுத்தது” என்று அவர் கூறினார். அரசாங்கத்தால் அறிவிக்கப்பட்ட ‘இலங்கை மறுசீரமைப்பு நிதி’ இன்னும் சட்டப்பூர்வமாக நிறுவப்படவில்லை என்பதையும் அவர் சுட்டிக்காட்டினார்.

கொலன்னாவையில் உள்ள மொகிதீன் சவால்களுக்கு மத்தியிலும் நம்பிக்கையுடன் இருக்கிறார். வெள்ளத்திற்குப் பிறகு அவருக்குப் பொதுமக்களிடமிருந்து பல உதவிகள் கிடைத்துள்ளன. “வீட்டைச் சுத்தம் செய்ய 25000 ரூபாய் வழங்குவதாக அரசாங்கம் கூறியது ஆனால் நாங்கள் இன்னும் அதைப் பெறவில்லை. அரசாங்கம் தனது வாக்கை காப்பாற்றும் என்று நான் நம்புகிறேன்” என்று அவர் கூறினார்.