இலங்கையில் பயன்படுத்தப்படாத நிலங்களை ஏற்றுமதி விவசாயத்திற்காகப் பயன்படுத்த சீன முதலீட்டாளர்கள் ஆர்வம் காட்டி வருகின்றனர்.
சீன முதலீட்டாளர்கள் இலங்கையில் பயன்படுத்தப்படாத நிலங்களை ஏற்றுமதி விவசாயத்திற்காக இலக்கு வைத்துள்ளனர்
21 ஜனவரி 2026 |
சீன வர்த்தக சபையின் (Chinese Chamber of Commerce) பிரதிநிதிகள் குழுவொன்று அண்மையில் இலங்கையின் விவசாய அமைச்சரைச் சந்தித்து, ஏற்றுமதிக்காக பழங்கள் மற்றும் காய்கறிகளை பயிரிடுவதற்கான வாய்ப்புகள் குறித்து கலந்துரையாடியதாக அரசாங்க அறிக்கை ஒன்று தெரிவிக்கிறது.
தற்போது பயன்படுத்தப்படாத நிலங்களைப் பயன்படுத்தி பெரிய அளவிலான பால் பண்ணைகளை மேம்படுத்தவும், காய்கறிகள் மற்றும் பழங்கள் போன்ற ஏற்றுமதியை மையமாகக் கொண்ட விவசாயப் பொருட்களை உற்பத்தி செய்யவும் இந்தத் தூதுக்குழு இலக்கு வைத்துள்ளதாக விவசாய, கால்நடை, காணி மற்றும் நீர்ப்பாசன அமைச்சு தெரிவித்துள்ளது.
இந்த முயற்சிகளை எளிதாக்குவதற்காக காணி ஆணையாளர் நாயகம் திணைக்களம், காணி மறுசீரமைப்பு ஆணைக்குழு மற்றும் மகாவலி அதிகார சபை ஆகியவற்றின் கீழ் உள்ள பயன்படுத்தப்படாத நிலங்களை சீன முதலீட்டாளர்களுக்கு வழங்குவது குறித்து பரிசீலிக்கப்பட்டு வருகிறது.
இந்தச் சந்திப்பின் போது, பிரதிநிதிகள் குழுவினர் அமைச்சர் கே.டி. லால்காந்தவுடன் பல முக்கிய விடயங்கள் குறித்துக் கலந்துரையாடினர். சீன வர்த்தக சபையினால் சமர்ப்பிக்கப்பட்ட முன்மொழிவுக்கு அமைச்சர் சாதகமாகப் பதிலளித்துள்ளார்.
