பெப்ரவரி 6, 2026
ஐசிசி ஆண்கள் டி20 உலகக்கோப்பை தொடர் தொடங்கவுள்ள நிலையில், இந்திய கிரிக்கெட் நட்சத்திரம் சூர்யகுமார் யாதவை (Suryakumar Yadav) தனது புதிய விளம்பரப் பிரச்சாரத்தில் முன்னிலைப்படுத்துவதன் மூலம் எமிரேட்ஸ் நிறுவனம் ஒரு வலுவான தாக்கத்தை ஏற்படுத்தியுள்ளது.
சுமார் முப்பது ஆண்டுகளாக கிரிக்கெட் உலகில் எமிரேட்ஸ் நிறுவனம் ஒரு நீடித்த அடையாளமாக இருந்து வருகிறது. பத்து நாடுகளுக்கும் மேற்பட்ட கிரிக்கெட் விரும்பும் நாடுகளில் நடைபெறும் முக்கிய ஐசிசி தொடர்கள், நடுவர்களின் சீருடைகள் மற்றும் உலகெங்கிலும் உள்ள ரசிகர்களை ஒன்றிணைக்கும் சிலிர்ப்பான தருணங்களில் ஒரு அங்கமாக இருப்பதன் மூலம், அந்த நிறுவனம் கிரிக்கெட் விளையாட்டின் அங்கமாகவே மாறியுள்ளது.
நவீன கிரிக்கெட்டில் தனது பயமற்ற மற்றும் வழக்கத்திற்கு மாறான துடுப்பாட்ட பாணியாலும், அபாரமான நிதானத்தாலும் சூர்யகுமார் யாதவ் ஒரு முத்திரையைப் பதித்துள்ளார். இந்தப் பண்புகள் அவருக்கு ஐசிசி-யின் முதலிட டி20 தரவரிசையைப் பெற்றுத் தந்தன. 2024 ஐசிசி ஆண்கள் டி20 உலகக்கோப்பை மற்றும் 2025 ஆசியக் கோப்பை ஆகியவற்றில் இந்தியாவின் வெற்றிக்கு முக்கியப் பங்காற்றிய அவர், இந்திய டி20 அணியின் கேப்டனாக இன்று விளையாட்டின் மிகவும் மதிக்கப்படும் வீரர்களில் ஒருவராகத் தன்னை நிலைநிறுத்திக் கொண்டுள்ளார்.
எமிரேட்ஸ் நிறுவனம் 25 ஆண்டுகளுக்கும் மேலாக கிரிக்கெட் விளையாட்டிற்கு அளித்து வரும் ஆதரவிற்கு ஒரு மரியாதையாக, இந்த புதிய விளம்பரப் பிரச்சாரம் உருவாக்கப்பட்டுள்ளது. இதில் ஆயிரக்கணக்கான ரசிகர்கள் நிறைந்த மைதானத்தில், நவீன கால கிரிக்கெட் ஜாம்பவானான சூர்யகுமார் யாதவ் தனது தனித்துவமான துடுப்பாட்ட பாணியை வெளிப்படுத்தும் காட்சிகள் இடம்பெற்றுள்ளன. இந்த உலகளாவிய விளம்பரப் பிரச்சாரம் ஐசிசி ஆண்கள் டி20 உலகக்கோப்பை தொடரின் தொடக்கத்தைக் குறிப்பதோடு, கிரிக்கெட் ரசிகர்கள் மற்றும் உலகெங்கிலும் உள்ள விளையாட்டு ஆர்வலர்களைச் சென்றடையும் வகையில் வடிவமைக்கப்பட்டுள்ளது.
ஐசிசி ஆண்கள் டி20 உலகக்கோப்பையின் போது எமிரேட்ஸ் விமானங்களில் பயணம் செய்யும் பயணிகள், எமிரேட்ஸின் ‘ice’ பொழுதுபோக்கு முறைமை மூலம் Sport 24 மற்றும் Sport 24 Extra அலைவரிசைகளில் நேரடிப் போட்டி ஒளிபரப்புகளைக் கண்டு ரசிக்கலாம்.
எமிரேட்ஸின் புதிய விளம்பரத்தில் நடித்தது குறித்து சூர்யகுமார் யாதவ் கூறுகையில்:
“உயர்மட்ட கிரிக்கெட் என்பது தயாரிப்பு, மாற்றங்களுக்கு ஏற்பத் தகவமைத்துக் கொள்ளுதல் மற்றும் அழுத்தத்தின் கீழ் செயல்படும் திறன் பற்றியது. எமிரேட்ஸ் நிறுவனம் தான் செய்யும் அனைத்திலும் இதே விழுமியங்களைப் பிரதிபலிக்கிறது. விளையாட்டிற்காக அதிகம் பயணம் செய்யும் ஒருவன் என்ற ரீதியில், உலகத்தரம் வாய்ந்த அனுபவங்களும் வசதிகளும் மிகப்பெரிய மாற்றத்தை ஏற்படுத்துகின்றன. கிரிக்கெட் மற்றும் அதன் உலகளாவிய ரசிகர்களுடன் ஆழமான மற்றும் உண்மையான தொடர்பைக் கொண்டுள்ள இந்த பிராண்டுடன் இணைந்திருப்பது மகிழ்ச்சி அளிக்கிறது.”
எமிரேட்ஸ் நிறுவனத்தின் கார்ப்பரேட் கம்யூனிகேஷன்ஸ், மார்க்கெட்டிங் மற்றும் பிராண்ட் பிரிவின் நிர்வாகத் துணைத் தலைவர் புட்ரோஸ் புட்ரோஸ் (Boutros Boutros) கூறுகையில்:
“சூர்யகுமார் யாதவ் உலகெங்கிலும் உள்ள கிரிக்கெட் ரசிகர்களின் கற்பனையைக் கவர்ந்ததற்கு ஒரு காரணம் இருக்கிறது. அவருடைய ஆட்டம் அவரைப் பற்றிப் பேசுகிறது, மேலும் அவருடைய ஈர்ப்பு எல்லைகளைத் தாண்டியது. இந்த புதிய விளம்பரப் பிரச்சாரத்தின் மூலம், ரசிகர்களுடன் இணைந்து விளையாட்டின் மீதான எங்கள் ஆர்வத்தைப் பகிர்ந்து கொள்ள விரும்புகிறோம். கிரிக்கெட் என்பது எங்களின் நீண்டகால விளையாட்டுப் பங்களிப்புகளில் ஒன்றாகும். நாங்கள் எப்போதும் இந்த விளையாட்டின் வளர்ச்சிக்கு ஆதரவாக நின்றிருக்கிறோம், அதன் எதிர்காலத்திலும் தொடர்ந்து முதலீடு செய்வோம்
