இலங்கை வெற்றியை நோக்கிய பாதையில் பயணிக்கிறது: சர்வதேச நாணய நிதியத்தின் முகாமைத்துவ பணிப்பாளர்கிறிஸ்டலீனா ஜோர்ஜீவா

சர்வதேச நாணய நிதியத்தின் (IMF) முகாமைத்துவ பணிப்பாளர் கிறிஸ்டலீனா ஜோர்ஜீவா , இலங்கை “நிச்சயமாக வெற்றியை நோக்கிய பாதையில் உள்ளது” எனதெரிவித்துள்ளார்.அத்துடன் நாட்டின் நிலையான மற்றும் வளமான எதிர்காலத்திற்கான பயணத்திற்குத் தனது ஆதரவையும் அவர்வெளியிட்டுள்ளார்.

இலங்கைக்கான விஜயத்திற்கு முன்னதாக அவர் , ‘Daily FT’ க்கு அளித்த பிரத்யேக பேட்டியில் அவர் தெரிவித்துள்ளதாவது

“சமீபத்திய ஆண்டுகளில் பல சவால்களை எதிர்கொண்டு குறிப்பிடத்தக்க மீளெழுத்திறனை (Resilience) வெளிப்படுத்திய இலங்கை மக்களுடன் ஒருமைப்பாட்டுடன் நான் வருகிறேன். இலங்கை மக்களின் தியாகங்கள் மற்றும் அடுத்தடுத்த அரசாங்கங்களால் மேற்கொள்ளப்பட்ட சீர்திருத்தங்கள் காரணமாக, இன்று பொருளாதார நிலைமை மிகவும் சாதகமாக உள்ளது.”

புதன்கிழமை வரை இலங்கையில் தங்கியிருக்கும் அவர், அதிகாரிகளைச் சந்திப்பதோடு, ‘டிட்வா’ (Ditwah) புயலால் ஏற்பட்ட பாதிப்புகளை நேரில் பார்வையிட்டு, இலங்கையின் மறுகட்டமைப்புக்கு IMF எவ்வாறு உதவலாம் என்பது குறித்து கலந்துரையாடுவார்.

கிறிஸ்டலீனா ஜோர்ஜீவாஇலங்கையின் பொருளாதார வளர்ச்சியை “வியக்கத்தக்க மீளுயர்வு” (Remarkable rebound) என்று
குறிப்பிட்டுள்ளார். அவர் சுட்டிக்காட்டிய முக்கிய விடயங்கள்:

• வளர்ச்சி விகிதம்: 2024 இல் 5% வளர்ச்சி மற்றும் 2025 இல் 5% என மதிப்பிடப்பட்டுள்ளது.

• பணவீக்கம்: 2% என்ற நிலைக்குக் குறைந்துள்ளது.

• கையிருப்பு: வெளிநாட்டு நாணயக் கையிருப்பு மீண்டும் கட்டியெழுப்பப்பட்டுள்ளது.

• வரி வருவாய்: எதிர்பார்ப்பை விட அதிகமாக வரி வருவாய் ஈட்டப்பட்டுள்ளது.

“இவை நிலைத்தன்மைக்கான வலுவான அறிகுறிகள். கடன் மறுசீரமைப்பிலும் குறிப்பிடத்தக்க முன்னேற்றம் ஏற்பட்டுள்ளது. இப்போதே ‘பணி முடிந்தது’ என்று அறிவிக்க முடியாது என்றாலும், இலங்கை வெற்றியை நோக்கிய பாதையில் உள்ளது,” என்று அவர்
குறிப்பிட்டுள்ளார்.
எதிர்கால சவால்கள் மற்றும் எச்சரிக்கை:

பொருளாதார மீட்சி இன்னும் ஆரம்பக் கட்டத்திலேயே இருப்ப உள்ளதாகவும் அவர் எச்சரித்தார். “வெயில் இருக்கும்போதே கூரையைச் சரி செய்யுங்கள்” என்ற பழமொழியைச் சுட்டிக்காட்டிய அவர், நிலைமை முன்னேறி வரும் வேளையில் நிதிப் பாதுகாப்புகளை (Financial buffers) தொடர்ந்து பலப்படுத்துமாறு கேட்டுக்கொண்டுள்ளார்

முக்கியமாக மூன்று சவால்களை அவர் பட்டியலிட்டுள்ளார்:

1. ஆதாரங்கள் (Resources)

2. பாதிக்கப்படக்கூடிய பிரிவினருக்கான முன்னுரிமை

3. இயற்கை இடர் மீளெழுத்திறனை மறுகட்டமைப்பில் இணைத்தல்

டிட்வா புயல் மற்றும் நிதி உதவி:

$3 பில்லியன் விரிவாக்கப்பட்ட நிதி வசதி (EFF) ஒரு நெகிழ்வான திட்டம் என்று குறிப்பிட்ட அவர், புயல் பாதிப்புக்கு பிந்தைய புதிய யதார்த்தத்திற்கு ஏற்ப அது மாற்றியமைக்கப்படும்என தெரிவித்துள்ளார்.

“புயல் பாதிப்பிலிருந்து இலங்கை மீள்வதற்கும், வளமான பொருளாதாரத்தை கட்டியெழுப்புவதற்கும்
உதவுவதற்கு நாங்கள் முழுமையாக கடமைப்பட்டுள்ளோம்
,” என்று ஜோர்ஜீவா உறுதியளித்துள்ளார்