CNN
ஈரான் அமெரிக்காவுடன் உடன்படிக்கை ஒன்றை எட்டத்தவறினால் மற்றும் ஹோர்முஸ் நீரிணையை (Strait of Hormuz) திறந்துவிடாவிட்டால், அந்நாட்டிலுள்ள மின் உற்பத்தி நிலையங்கள் மற்றும் எண்ணெய் கிணறுகளை “குண்டுவீசி முற்றாக அழிப்பதன்” மூலம் இப்பிராந்தியத்தில் தனது இராணுவ ஈடுபாட்டை அமெரிக்கா முடிவுக்குக் கொண்டுவரும் என்று ஜனாதிபதி டொனால்ட் டிரம்ப் தெரிவித்துள்ளார்.
இன்று காலை தனது ‘ட்ரூத் சோஷியல்’ (Truth Social) தளத்தில் பதிவிட்டுள்ள ஜனாதிபதி டிரம்ப்:
“ஈரானில் எமது இராணுவ நடவடிக்கைகளை முடிவுக்குக் கொண்டுவருவதற்காக, புதிய மற்றும் மிகவும் நியாயமான ஒரு ஆட்சியுடன் அமெரிக்கா தீவிர பேச்சுவார்த்தைகளை நடத்தி வருகிறது. இதில் பெரும் முன்னேற்றம் ஏற்பட்டுள்ளது. ஆனால், ஒருவேளை மிக விரைவில் உடன்பாடு எட்டப்படாவிட்டால் அல்லது ஹோர்முஸ் நீரிணை உடனடியாக ‘வணிகத்திற்காக திறக்கப்படாவிட்டால்’, நாம் இதுவரையில் வேண்டுமென்றே ‘தொடாதிந்த’ ஈரானின் அனைத்து மின் உற்பத்தி நிலையங்கள், எண்ணெய் கிணறுகள், கார்க் தீவு (Kharg Island) மற்றும் சாத்தியமான அனைத்து கடல்நீர் சுத்திகரிப்பு நிலையங்களையும் குண்டுவீசி முற்றாக அழிப்பதன் மூலம் எமது ஈரானிய ‘தங்கலை’ நிறைவு செய்வோம்,” என்று குறிப்பிட்டுள்ளார்.
நேற்று அளித்த பேட்டியொன்றில், ஈரானின் எண்ணெயை அமெரிக்கா கைப்பற்றுவதற்கான வாய்ப்பு குறித்து டிரம்ப் பேசியதைத் தொடர்ந்து இந்த எச்சரிக்கை விடுக்கப்பட்டுள்ளது.
ஈரானின் முக்கிய எரிபொருள் ஏற்றுமதி மையமான கார்க் தீவைக் கைப்பற்றுவது குறித்து பரிசீலித்து வரும் வேளையில், “எண்ணெயைக் கைப்பற்றுவதே தனது விருப்பம்” என்று டிரம்ப் அந்தப் பத்திரிகையிடம் தெரிவித்துள்ளார்.
இதற்கிடையில், டிரம்பின் இந்தக் கருத்துக்களைத் தொடர்ந்து திங்கட்கிழமை எண்ணெய் விலைகள் உயர்வடைந்தன. ப்ரெண்ட் மசகு எண்ணெய் (Brent crude) ஒரு பீப்பாய் 116 டொலர்களைத் தாண்டியுள்ளது.
